Williamnagar: National Food Security Mission (NFSM)-ni ning·o 2023-24 bilsina oilseed ba toni bitchilrangko game ge·eniko district-ni ge-3 block-rango sak 50 game ge·e cha·giparangni a·ao skie mesokangaha. Iako ong·atani miksonganira toni bitchilko a·arango maidake game ge·e, dal·bat-roroatna man·ani ong·a.
Field Day kan·dikgipa somoini chugipa yielding toria variety TS-38-ko January 12 tariko Bolkinggre, Samanda C&RD block-o sak 23 game ge·e cha·giparangna ong·-ataha. Ia programme-ko ong·atani dal·batgipa miksonganira game ge·e cha·giparangni a·ao tech-nology-ni dakchaka-nichi maidake game ge·aniko dakna nanga uni gimin ong·aha.
Iako Chairmanship Dr. Brijendra Singh Rajawat, Principal Scientist aro Head, KVK East Garo Hills ong·ataha, jean dingtang dingtang namgipa ge·aniko aro namroro-ataniko agan-prakangaha, aro game ge·e cha·gipa-rangko besual bichilko bang·bate ge·china mol·molaha. Ia programme-ni mong-songgipa sokgipa Shri Tengman N. Sangma, Project Director, ATMA, aganprakanio game ge·e cha·giparangni indine mol·mola, namgipa bichil-rangko ge·ena nangaha aro uko nambatatna jotton ka·na nanga, seed production-chi re·angna nanga aro mi-misiko game ge·aniko tang·doangna nanga, ine mol·molaha.
Dr. Yanglem Sofia Devi, Subject Matter Specialist (Agronomy), technology demonstrated-ni gimin kan·dike talataha aro district-o besual aro gipin bichilrangko gama ge·a-nichi chu·sokgipa golpo-rangkoba aganaha.
Smt. Anjilline M. Sangma aro Smt. Joshbina Ch. Momim bak ra·gipa game ge·e cha·gipa ong·a, uamang demonstrated technology-ni bidingo an·tangtangni chanchiani gimin aro namgniko man·ani gimin agan-talate on·angaha.