Tuesday, April 23, 2024
spot_img

NGH-o PMAY (U)-ni tangka paisarangko chu·gimik man·kuja ine AHAM matnanga

Date:

Share post:

spot_img
spot_img

RESUBELPARA: North Garo Hills a·jani badiaba badiaba songrango, Pradhan Mantri Awas Yojana (Urban)-ni namgniko man·enggipa mitam manderang, ia scheme-ni tangka paisarangko chu·gimik man·tokkujaengani a·sel an·tangtangni nokrangko matchote rikna man·jaenga ine A·chik Holistic Awakening Movement (AHAM) parakataha.

AHAM-ni parakatani gitade, North Garo Hills a·jani Babukona, Babupara aro Khaldang Rongsrek songrango donggipa mitam manderang, 2019 bilsionin ia PMAY (U)-ni ning·o cholrangko man·pae, nokrangko rikna a·bachengahachim indiba ia scheme-ni gnigipa aro gittamgipa instalment-rangko Resubelpara Municipal Board (RMB) on·ningjaengani a·sel nokrangko matchotatna man·chiptokkujaengachim.

“PMAY (U)-ko municipality-ni gitasa jako ra·e ia scheme-ni namgniko man·enggipa manderangna chu·gimik tangka paisarangko somoi gita on·jaengani gimin uamang chingna u·iataha. Mitam manderangni parakatani gitade, uamang an·tangtangni nokrangko 2019 bilsion rikna a·bachengahachim indiba gnigipa aro gittamgipa instalment-ni tangka paisarangko man·tokkujae uamangni nokrangko matchotatna man·tokkujaenga,” ine AHAM-ni general secretary Clinton Marak parakataha.

Ia scheme-ni tangka paisarangko somoi gita on·jaengani a·selan mitam manderangde nok rikanikon chu·gimik dontongsrangna nangaha ineba Marak parakataha.

Iani bidingo RMB-ni chief executive officer (CEO) Jude Rangku Sangma-o sing·sandiatskaon, ia manderangnade ia scheme-ni ning·o nokrangko rikna on·ani dongjani giminsa tangka paisarangko on·jaha indiba iani bidingo ua talbate am·sandienba ja·mano u·iatgen ine parakataha.

Am·sandie nianio sanction letter-ko nikahaon, ia nokrangko rikna Shillong MUDA-onisa sanction ka·aha ineba CEO parakataha.

spot_img
spot_img

Related articles

Ethnic origins: staying with the science

Editor, The article by Bhogtoram Mawroh, “History of the sub-continent and the place of the Khasis in it” in...

Sexual crimes on the rise

The report of sexual assaults on two minors in South West Garo Hills sends a chill up the...

Meghalaya and UPSC Civil Services Exams

By Rudi Warjri Polling for the Lok Sabha Parliamentary elections 2024 is over in Meghalaya. For most it means...

A BJP slide is not unlikely

By Jagdish Rattanani It is never easy or safe to read the mood of the nation, particularly in the...