Monday, April 22, 2024
spot_img

WGH-ni a·kawejolo niam gri itta soako dontongkujaenga

Date:

Share post:

spot_img
spot_img

Tura: West Garo Hills district-ni a·kawejolrango ritchani ritcha niam gri itta tarigiparangni kosako champengatani hukumko on·genchimoba   maming ja·ku de·ani dongjanina Rajabala constituency-o songdonggiparang aro badi ka·giparang suk ong·gijaniko janapaha.
Niam gri Bangla batta ittarangko tarianiara ua jol samtangtangna kenchaka-nisan ong·aija indiba bol-rangchi itta soanichi a·ka-wejolo bolrang bang·en bon·angenga ine nike re·anggipa Robibar salo Deputy Commissioner, Jagdish Chelani, Sec 144 CrPC-ko ra·gataha.
Meghalaya Pollution Control Board (MPCB), Rajabala constituency-ni Gorband a·jolo bang·en niam gri itta tarigipa biaprango re·ange ma·sie champengatchina bil on·ani ja·mano champeng-ataniko hukumko on·aha.
Police-ba a·dokni forest ba GHADC, ua niam gri itta tarianirangko chipatna uamangni agana gitan dakgijanina ua jolnirang aiao inmanpilaha.
“Bimingna mang-mangsa champengatani hukumko on·aia biapo maming dingtangani dongja. Ua niam gri tari-giparang chipchina hukum-ko man·genchimoba komia-ni pal batasa batroroenga. Uamangni kosako ja·ku de·na chingo maming bil dongja inesa chinga sakantian aganpangpilako man·a. Aroba chinga DC-ni hukumko uamangna mesokoba namrenge ra·e tariangaia,” badi ka·gipa-rangoni saksa Nazmul Hashan aganaha.
Da·o ong·enggipa obosta mande songdong giparangona aroba chel·chakenggipa a·jolrangona sokbaengaha uamangko beng·na man·jaha, uamang aganaha.
“Chinga mingsa neng·nikakosan chagrongenga ong·ja komibeba minggni dal·dala neng·nikanirang ong·enga jeon India Constitution-o  dongimin pilak niamrangko pe·enga. Bol-wa·arangko ka·saninggija den·anina Forect Act-ni gita itta sogiparangna skanggipaon Supreme Court-ni hukumo janapaha. Department-rang ja·ku de·gija niamrangko indinari jako ra·e dongaia aro uamang ramram mandeni neng·nikanina uamang kam ka·genma chinga ma·sija,” Nazmul agandapaha.
Bil gnanggipa maiaba dongna nanga indake uamang kamtangko ka·jaenga, sakgipin aganaha.
“Mitam songrango niam gri itta so·giparang dol 30, 40 dake donga dingtang dingtang manderang bang·a changrangna bil gnanggiparangna kobor on·achim indiba kam ka·ja.  A·kawejol maming ja·ku de·ani gri indake dal·en niam pe·anirangko pangnaba nikkujachim,” saksa aganaha.
Ru·utgija salo songsul Assam-ni South Salmara-o indakgipa niam gri itta sogiparangko chipataha indake iajolni manderangba ianoba chipatgen ine ka·dongachim indiba dongja uni gimin suk ong·jaha.
Bolrangko badingsrukenga, niam gri ro·ong quarry-rangko bikotenga uarangko state forest department-ba GHADC Forest dolba champengja. Uni a·selo da·o ro·ong bikotna pindapgipa bolrangko den·e nisiani gimaaniko nikskaenga.

spot_img
spot_img

Related articles

Kyrmen Shylla decries hate politics during electioneering

Shillong, April 22: Cabinet Minister and United Democratic Party (UDP) leader, Kyrmen Shylla today expressed concern over the...

Woman ASI suspended for hugging BJP’s Hyderabad LS seat candidate

Hyderabad, April 22: Hyderabad Police Commissioner K. Sreenivas Reddy has suspended an Assistant Sub-Inspector (ASI) of police for...

How could someone predict verdict in school job case, asks Mamata Banerjee

Kolkata, April 22: West Bengal Chief Minister, Mamata Banerjee, on Monday questioned how someone could predict what the...

Israel’s military intelligence director resigns

Tel Aviv, April 22: The head of military intelligence, Major General Aharon Haliva, has resigned, the Israeli army...