M’laya a·dokni police officer-rangko kam apjitata

SHILLONG: Lok Sabha election ong·na siengani gimin Meghalaya a·dokni pilak a·jarangon, police officer-rangko sorkari kam apjitattokaha.

Sorkarini u·iatani gitade, East Khasi Hills a·jani Superintendent of Police (SP) Sylvester Nongtnger-ni biapo IPS officer Rituraj Ravi-ko donatskaaha aro West Garo Hills a·jani SP Abraham T Sangma-ni biapo, IPS officer Dr Dara Aswaghosh-ko donatskaaha.

East Khasi Hills a·jani SP Sylverster Nongtynger da·o Umran-o donggipa 6^th MLP Battalion-ni Commandant ong·e jako ra·skagnok aro West Garo Hills a·jani SP Abraham T Sangma, Goeragre-o donggipa 2^nd MLP Battalion-ni Commandant ong·e jako ra·skagnok.

Shillong-ni City SP Vivek Syiem-koba da·o Meghalaya CID-ni SP ong·e kam apjitataha aro CID-ni SP Pankaj Kumar Rasgania-ko Shillong-ni City SP dake donatskaaha.

Samanda-o donggipa 5^th MLP Battalion-ni Deputy Commandant Banteilang Kharjana-ko South West Khasi Hills a·jani ASP ong·e ra·jitataha aro Ri Bhoi a·jani DSP Spearsing Paslein-koba East Jaintia Hills-ni DSP ong·e kam ra·jitataha.

East Garo Hills-ni DSP Anthony Ch Momin-ko South Garo Hills a·jao donggipa Chokpot-ni Sub-Divisional Police Officer (SDPO) ong·e kam ra·jitataha aro Chokpot-ni SDPO John Clitzer A Sangma-ko North Garo Hills-ni DSP ong·e ra·jitatskaaha.

West Garo Hills-ni DSP Krison R Marak-ko East Garo Hills-ni DSP ong·e kam ra·jitangskaaha aro North Garo Hills-ni DSP Sylvester Raksam Marak-ko Goeragre-o donggipa 2^nd MLP Battalion-ni Assistant Commandant ong·e ra·jitatskaaha.

Shillong-ni DSP Jeffry W Sooting-ko Mawshynrut-ni SDPO ong·e ra·jitataha aro Mawshynrut-ni SDPO Isaac S Marak-ko East Khasi Hills-ni DSP ong·e kam ra·jitatskaaha.