SHILLONG: Chokpot-ni gitcham Trinamool Congress (TMC) MLA Lazarus Sangma, Bristibar salo, Congress dolona re·bapilani ja·man Tura Lok Sabha constituency-o dingtang dingtang dolrangni bakrimanichi National People’s Party (NPP)-ni candidate Agatha K Sangma-ko chena ka·dongenga ine Congress dolni dilgiparang parakataha.
Chokpot-ni gitcham MLA-ko Tura Lok Sabha constituency-o Congress candidate ong·e susaenggipa Saleng A Sangma, Congress dolni working president Deborah C Marak aro gipin dilgiparang, Congress dolona rimchaksoaha.
Ia tom·ani ja·man kobor ra·timgipa manderang baksa agangrikatengon, Chokpot-osan ong·aigija, Garo National Council (GNC), Trinamool Congress (TMC) aro gipin dolrangba Tura Lok Sabha constituency-o NPP-ni candidate Agatha Sangma-ko ga·akatna Congress baksa bakrimenga ine Meghalaya Pradesh Congress Committee (MPCC)-ni working president Deborah Marak parakataha.
Tura Lok Sabha seat-ko ru·utbea bilsirangonin NPP, rim·kete dongengachim indiba ia changode Gambegre-ni MLA Saleng A Sangma-ko susaatengani gimin Congress dol, NPP-ko chena ka·dongskaengachim.
Chokpot constituency-ni gitcham TMC MLA Lazarus Sangma, Bristibar salo an·tangna chakpaenggipa sak 500-600-mangni gita manderang baksa Congress-ona re·bapilaha aro ian ia chang Lok Sabha election-o Congress dolna ka·dongataniko on·skaengachim.
Sing·anina aganchakaniko on·angkuengon, Congress dolni candidate Saleng Sangma saksa parak pasang dakgipa aro kakketo chadenggipa mande ong·ani gimin Garo Hills-ni bang·a manderangan namniktoka aro ia election-o uko cheatna gita Congress dol rakbee kamrangko ka·enga ine MPCC-ni working president parakataha.
Ia chang Lok Sabha election-o dingtanganiko nikna ka·dongsoenga ine janapatengon, election-ode jeba ong·na man·aia indiba ia pilakan election-ni somoio pu·ongipa manderang maikai aro sana pu·onna unosa pangchakaia ine Marak parakataha.
NPP-ko ga·akatna dingtang dingtang dolrang Cong baksa bakrimenga: Deborah
Date:
Share post:
