Thursday, July 3, 2025
spot_img

SGH-o rama tarigipa mande saksako rim·gittanga ine chanchichipenga

Date:

Share post:

spot_imgspot_img

BAGHMARA: South Garo Hills a·jao rama tarienggipa mande saksako Rongdik songo uamangni dongchakenggipa a·tiponiko ong·gija dakgipa manderang rim·gittangangakon ine police-rang chanchichipenga.

Ia mandeara Uttar Pradesh a·dokoni bilsi 50 ong·gipa Akhilesh Chauhan ong·achim aro ua re·anggipa March 20 tarik pring 1:40 bajimangonin uamangni dongchakenggipa a·tiponi gimaengahachim.

Iani bidingo unbaksa kam ka·rimenggipa manderang FIR-ko Siju police station-o ka·aha aro FIR-o janapani gitade, March 20 tarik pringo ma·sina man·gijagipa manderang, diesel am·na gita uamangni a·tipona re·baahachim.

Ia manderangni diesel bi·na re·baahani gimin ia a·tipko nirokenggipa manager, diesel dongama dongja uko nichina aro ia manderang baksa agangrikchina Akhilesh Chauhan-ko watataha. Indake ong·genchimoba ua a·tipona re·bapiljahaon, kam ka·enggipa gipin manderang, jajrengenba uko sandiangaha indiba uko nikejaha.

Ia mandeni kam ka·enggipa company-ara South Garo Hills a·jao rama jal·langrangko aro NH-127 ramako a·dokni gipin biaprango nangdimatna gita kamko ka·enggipa company ong·achim.

Ia mandeko sandio nikjahani gimin ja·mano ia company-ni manderang, jolni police-rangna u·iataha aro bakan police-rang, gimaenggipa mandeko sandina a·bachengataha.

Police-rangni u·iatani gitade, ia mandeni bidingo uamang adita sakkirangko man·na a·bachengaha indiba iani bidingo parakna gita agre seng·gnangdugakuenga. Ia mandeko uamang bakan man·pilgen ineba police-rang, an·tangtangni ka·dongchakenganiko parakataha.

“Ia mandeko jokatna gita chinga kamrangko ka·engaha aro uko bakan man·pilna ka·dongenga,” ine South Garo Hills a·jani SP Shailendra Bamaniya parakataha.

spot_imgspot_img

Related articles

In this image released by the PMO, Prime Minister Narendra Modi interacts with a child as he is welcomed by members of the Indian...

In this image released by the PMO, Prime Minister Narendra Modi interacts with a child as he is welcomed...

Govt offers Rs 10,000 each to hawkers for relocation

Not an eviction drive but an enforcement drive: Sniawbhalang Dhar By Our Reporter SHILLONG, July 2: An under-fire state government...

Lapangap row: M’laya-Assam CMs on job to defuse tension

By Our Reporter SHILLONG, July 2: The chief ministers of Meghalaya and Assam have taken up the recent flare-up...

Hawkers’ body slams Paul for ‘obstruction’ remark

By Our Reporter SHILLONG, July 2: The Meghalaya and Greater Shillong Progressive Hawkers and Street Vendors Association (MGSPHSVA) on...