“Tura aro Shillong-o NPP dolni candidate sak-gnina chakpaaniko on·a BJP dolni chubatgipa au-thority-ni chanchian baksa chinga NPP-oni kusi ong·-a,” ine Tynsong aganaha.
BJP dolni chakpaani NPP dolna bilakdapani gimin Tynsong aganang-aha, “Iano chingni niatani gitade, BJP dolni vote-rang Shillong parliamentary seat-o na·a chane niata ong·ode hajal 90 lak gape-na am·enganiko nikgen jean NPP-na dakchakani ong·gen. Jedakgipa biap-rangoni ia vote-rang ching-ni candidate-na da·ode ong·gen jean on·dapgipa point-rang ong·enga,” ine ua aganaha.
Uamangni bakrimeng-gipa force-ni gita party-ni mikkangchi kam ka·ani bidingo sing·anina ua aganangaha, uamang dolgni party-oniko okame tom·aniko ong·atgen aro chanchianirang gita kam ka·anggen.
Shillong aro Tura seat-rangna candidate-rangni bimingrangko parkatning-jani gimin ShillongTimes-o mijamangmang nakataha jeon saffron party NPP-na ramako wate on·angachi naljoke kal·na nangnikaha, ian NDA-ni bakrime rikeng-gipa sorkari ong·a, uni gimin Congress dolna maming dakeba cheani chol dongjaenga, ineba janapat-aha. NPP-na dakchakaniko on·dapangna ge·etanio Meghalaya a·doko ge·gni seat-rangoni Lok Sabha poll-na susaangjanaba donga aro ge·gni seat-o candidate-rangko party gapatna mol·molangnaba donga, ine State BJP dilgiparang parakataha.
NPP-na chakpaaoni ong·katna BJP dolni chanchia a·dokni ge·gni seat-rango Lok Sabha poll-ni result ong·katao neng·nikani sokbagen. BJP dolna chakpagiparang NPP-na vote on·gen gimikankode mol·molangna man·ja ine party-ni ning·oni parakataha.
SHILLONG: Shillong aro Tura seat ge·gnio cheaniko man·a NPP April 19 tarikona tusijawa, ine NPP State president, Prestone Tynsong aganaha.
Party gimikni dilgipa-rang a·pao ong·tokenga aro party-na vote-ko man·a manderangko ropna polling station ge·antiona uamang wenengaha, ine kobor ra·timgiparangna Sukrobar salo Prestone Tynsong aganaha.
“Chinga April 19 tariko-na kingking tusijawa,” ine ua aganaha.
1998 bilsionin Shillong Parliamentary constituen-cy-o darang gipin ong·ja Congress dol chebaenga aro Congress dolko cheangna darang party-rang sepanggiparang dongja, ineba janapataha.
Indiaba ia chango mamlarang dingtanggen aro ia changni election Congress-na dingtanggipa ong·gen ine Tynsong chanchiako aganaha. Batanggipa changni election-o Shillong-na NPP candidate-ko on·angajaha indiba Tura-o bang·a vote-rang baksa election-o party cheaha, ine ua agandap-angaha.
“Ia chango, ge·gni seat-rango chinga cheanggen,” ua aganaha. NPP salsabatat dal·roroangenga ine uni aganan baksa a·doko bang·a ding-tanganirangko uamang nike bang·a manderang salanti NPP dolo bakrimenga, ine Tynsong agandapangaha.
Nongpoh: Ri-Bhoi district-ni United Demo-cratic Party (UDP)-ni git-cham dilgiparang jemangan party-oni uamangni kam watani lekka dorgastoko Butbar salo on·a aro Bristi-bar salo official-ni gita National People’s Party (NPP)-o napaha. Nongpoh-ni Sajer Basketball Court-o rimnapani tom·aniko ong·ataha jeon Congress doloni dilgipa gitcham Rona Khymdeit NPP-o bakrimaha. NPP Meghalaya State Unit-ni President Prestone Tynsong, Rona Khymdeit, Donbok Khym-deit aro uamango bakrim-giparang-ko nama bewalo rimchaksoaha. Sniawbha-lang Dhar, National Vice President, NPP-ni Shillong Parliamentary constituency candidate Dr. Ampareen Lyngdoh, Jirang MLA Sosthenes Sohtun, Umroi MLA Damanbait Lamare, aro a·dok aro district-rangoni party-ni mong-songgipa dilgiparangni dongpaanichi tom·aniko mikkim gnangataha. NPP dolona ia dilgiparangko chanchapatao Prestone Tynsong uni kusi ong·ani-ko mande jinma tom·-bachimonggipana party-ni gisepo ku·cholsan ong·ani aro napna chol on·ani gamchatgipa ine aganang-aha. A·dokni aro district-rangni namroroa-nina nik-samsoe nisanko dona nangani gimin ua gital napgipa memberrangna re·chakatna skang agan-angaha. NPP-ni kosako jingjenganirangko Tyn-song ma·sichaka maina ian election-ni somoio indake ong·ronga indiba party-o bang·rikrike dilgiparang aro chakpagiparang bakrim-enganian party-ni ku·rang changrikrika. Political a·bao so·sojengjeng ong·gen-chimoba niam mingantion party-ni ta·rake re·aniko on·kanga ine ua aganaha.
Donbok Khymdeit, UDP-ni gitcham dilgipa ong·a, district-o mikkang-chi namroroaniko ra·bana nanganina sinjetanirangchi UDP-oni ong·katna ua-mangni chanchianiko talat-angaha. Ia nangchongmot-gipa ra·bianirangna aganna NPP-ni bil donganio ua ka·dongchongmotenga, ine ua aganaha.