Monday, April 22, 2024
spot_img

NDA baksa NPP-ni bakrimani bilakgipa ong·a: Conrad

Date:

Share post:

spot_img
spot_img

SHILLONG: Batanggimin bilsi 10-ni gisepo dingtang dingtang ra·bianirangko chagrongna nangahaoba, National People’s Party (NPP)-ni BJP-chi dilenggipa National Democratic Alliance (NDA) baksa bakrimani bilakrorobana man·aha ine Mongolbar salo, Meghalaya a·dokni Chief Minister aro NPP-ni national president Conrad K Sangma parakataha.
Shillong Parliamentary constituency-o NPP-ni candidate Ampareen Lyngdoh-na campaign ka·engmiting somoio jinmana aganprakangengon, “Bilsi 10-na BJP-chi dilenggipa NDA baksa NPP-ni bakrimani namen bilakgipa ong·aha. Dingtang dingtang neng·nikanirangko chagrongna nangahaoba chinga pangnan chingni kamrango manderangkosa skang donchengrongaha,” ine Sangma aganaha.
Ia Lok Sabha election-o NDA-o bakrimenggipa pilak dolrangan ku·cholsan ong·e chadenggen maina ia pilak dolrangan, Prime Minister Narendra Modi-ni dilanichi India a·song namroro silrorona man·gen ine bebera·giparang ong·a ineba NPP-ni national president aganaha.
“2028 bilsini gisepo India a·songni economy a·gilsak gimiko gittamgipa ong·gnok aro 2047 bilsini gisepode India a·songba tang·dogimin a·song ong·gnok,” ine Sangma aganaha.
Batanggimin bilsini Assembly election-ode BJP aro NPP dolgnian a·doko bakrime sorkariko chalaienggipa dolrang ong·genchimoba, doltangarisa susatokahachim ine nikna man·a.
Election-ni ja·mande NPP aro BJP dolgnian, a·doko sorkariko rikna bakrimtaiskaahachim.
Ia Lok Sabha election-ode BJP, Meghalaya a·dokni Lok Sabha seat damgnion susagija NPP-na dakchakanirangko on·skana tik ka·aha aro iana NPP-ni national president Conrad Sangma, Prime Minister Narendra Modi-ko mittelpilangaha.
PM Modi-ni dilanichi Meghalaya a·dokko man·chape salgro salaram jol gimikan namroro silroroaniko nikna man·aha ine Sangma a·kangataha.

spot_img
spot_img

Related articles

Social activist files FIR, moves ECI against NPP functionary

Tura, April 22: Social activist from Tura Jaynie N Marak has filed an FIR against NPP functionary Kritenbirth...

Shillong Police launch drive against reckless bikers

  Shillong, April 22: Shillong Police have finally decided to act against the reckless bikers in the city. Lately, Shillong...

Man linked to 26/11 terror attacks held for targeting Abhishek Banerjee, claim Kolkata Police

Shillong, April 22: The Kolkata Police on Monday claimed to have arrested an individual having links with the...

Ranveer calls Deepika ‘Sherni’ as he shares her ‘Singham Again’ look

Shillong, April 22: Ranveer Singh, who will be seen revisiting his character of Sangram 'Simmba' Bhalerao, in the...