Monday, May 27, 2024
spot_img

Arunachal-o CM-ni dolko ja·rikenggipa gari bolsaoniko gong kr 1 tangka man·a

Date:

Share post:

spot_img
spot_img

Tangka man·gipa gariara CM-ni dol ong·ja ine NPP aganchaka

SHILLONG: Bristibar salo, Meghalaya a·dokni Chief Minister aro National People’s Party (NPP)-ni president Conrad K Sangma-ni Arunachal Pradesh a·doko election campaign ka·na re·angani somoio uni dol baksa ja·rikpaenggipa gari bolsaoniko election official-rang, gong kror 1-na baten tangkarangko rim·aha indiba ia gariara Chief Minister-ni doloni ong·ja ine NPP jegalatskaaha.

Ia gariko, Arunachal Pradesh a·dokni Longding a·jao donggipa Kanubari check post-o rim·ahachim.

Longding a·jani Superintendent of Police (SP) Dekio Gumja-ni kobor ra·timgiparangna u·iatani gitade, ia gariara Assam-o register ka·gipa AS-01ET 5252 Fortuner gari ong·achim aro ia garioniko election official-rang, gong kror 1.25-mangni gita tangkarangko man·ahachim.

Indake ong·engon, ia gariara Chief Minister Conrad K Sangma-ni dol baksa re·anggipa gari ong·ja indiba uni sepango re·anggipa garisa ong·achim ine Longding a·jani SP-ba parakataha.

Ia tangka aro gariara Badri Rai & Construction Ltd-ni Executive Director Harshvardhan Singh-nisa ong·achim ineba Gumja parakataha.

“Ia tangkarangko election-na dongimin flying squad aro static surveillance team-rang rim·aha aro tangkarangko SBI-ona watatchengaha. Ia case-ko chinga jako ra·jawa maina iakode Income Tax department-ni gitasa jako ra·gen. Chingni kamde gong 50,000-na batgipa tangkarangko rim·ani aro mokordoma ka·anisan ong·aia,” ine Gumja aganaha.

Indake ong·engon, ia garioniko kror 1 batpile tangkarangko man·ani ja·man dingtang dingtang media-rango Chief Minister aro NPP-ni national president Conrad Sangma-ko biming mingahani gimin NPP raken jegalatskaaha.

NPP-ni ku·wattimgipa Himalaya Shangpliang-ni kobor ra·timgiparangna parakatani gitade ua somoio a·dokni NPP-ni president, April-ni 19 tariko ong·atenggipa Arunachal Pradesh Assembly election-o NPP-ni candidate ong·susaenggipa mandena campaign ka·na re·angengachim.

Ia garioniko kror 1 batpile tangkarangko man·ani ja·man NPP-ni national president-ko badiaba badiaba media-rang biming mingahani gimin jegalatengon, tangka baksa rim·a man·gipa gariara NPP-ni president aro Chief Minister Conrad Sangma baksa apsan re·pagipa doloni ong·ja indiba ia dolni janggilo re·bapaenggipa garisa ong·achim ine Shangpliang parakataha.

Arunachal-oba Assembly election-na Model Code of Conduct-ko donahani gimin niamo pangchake NPP-ni national president-ko salangenggipa gari aro ia dolni pilak garirangkon election official-rang check ka·aha aro maming niam pe·anirangko man·jaha ineba Shangpliang talataha.

“Kanubari check post-oba chief minister-ni gari aro ia dolni pilak garirangkon flying squad, static surveillance dolrang aro police-rangba check ka·riken watatahani gimin uamang joljol re·angaiaha aro ja·mano koborrangko niksoani ja·mansa ia garioniko ia tangkarangko man·aha ineba uamang ma·sina man·aha,” ine NPP-ni ku·wattimgiparang parakataha.

spot_img
spot_img

Related articles

Assault on the poorest

Editor I was shocked to read in The Shillong Times (May 23, 2024) about members of the Hynniewtrep Youth...

PM takes a leaf out of Arab rulers’ book for invoking divinity to his politics

Finally, a taste of American-style direct debate between Modi and Rahul Gandhi By K Raveendran In asserting his ‘indestructability’, Narendra...

The Dilemma Called Saipung

By HH Mohrmen Nestled close to the Saipung reserved forest is the area where the Biate people live, and...

The Countdown Begins

India’s jumbo-scale voting exercise has completed six phases and is moving to the June 1 final phase. The...