Tura: Internal Quality Assurance Committee (IQAC), Tura Don Bosco College, Shillong North-Eastern Hill University (NEHU) baksa nangrime, Meghalaya-o ‘Higher Education ja·pang kattani aro Garo Hills-ni College-rango Implementation of the New Education Policy (NEP)-ni bidingo salsani conference-ko ong·ataha.
Tom·ao Principal-rangni sak 50-na baten faculty aro conference-o dongpagipa Garo Hills-ni bang·a collage-rangoni NEP/IQAC coordinator-rangko nikaha.
Conference-ko soka chakgipa skie on·ram nok-mrongo poraigipa chatro-chatrirangchi git mingsako ringe a·bachengaha.
Don Bosco College-ni Principal, Rev. Fr. Bivan Rodriques Mukhim, confe-rence-o re·bagipa sakantiko rimchaksoaha aro Prof. Sumarbin Umdor, Control-ler of Examinations, NEHU, Shillong, Prof Sujata Gurudev, Campus Director, NEHU, Tura Campus aro Dr Binu Mathew, Associate Professor, Dept Rural Development aro Agricul-tural Products, NEHU, Tura Campus-ni uamangko mande ra·aniko dakaha.
Ua uni aganao gitalgipa NEP-ni mongsonggipa ong·ani gimin talatangaha.
Prof Umdor, Garo Hills-o higher education-na NEP-o talatani gimin session-ko ra·aha aro Garo Hills-o Higher Education-ni ski-giparangna NEP-ni namgni ong·a ba ong·gijani aro talate on·anio bang·a bak-rangko agan-talate on·angaha.
Prof Sujata Gurudev uni aganao salgro-salaram songpanggipa jatrangni biap-a·dam ong·e jatni daka-rika aro dakbewalni bidingo uko namen namnikani baksa NEP-ko ra·gatna mangrakgipa biap ong·na man·gen, ua talatangaha.
Dr Binu Mathew, NEP-ni bidingo gimikni gitan agan-talate on·angaha aro Dr Barbara S Sangma-ba poraigiparangnasan ong·aigija pilak manderangni mikkangchi nambatna dingtangataniko ra·chakani gimin aro ku·cholsan kam ka·ani gimin aganaha.
Conference-ni bidingo dongpagiparang uamangni chu·ongnikaniko agane uamangni bang·a jajaanirangko talatanina mittelangaha. Uko ja·rikangna chanchiengon NEP-ni gimin kusi ong·aniko uamang agandapaha.
caption: Mijalo Tura Don Bosco College-o Garo Hills-ni College-rango Implementation of the New Education Policy (NEP)-ni bidingo salsani conference-ko ong·atao bakko ra·enga.