Wednesday, May 29, 2024
spot_img

A·doko china neng·nikanirangko man·tokenga

Date:

Share post:

spot_img
spot_img

Mikkarang wajaode obostarang namjabatangnaba gnang

SHILLONG: Meghalaya a·dokni pilak biaprangon ia sal somoirango chaktopilgija ding·anirang batroroengon, a·dokni skotong Shillong aro Tura jillarango da·o manderang chiko chu·onga gita man·jae neng·nikanirangko man·tokengaha.

Shillong aro Tura jillani dingtang dingtang biaprango songdongenggipa manderang chirangko man·jae neng·nikanirangko man·na nangtokengon, a·doko mikkarang wakujagenchimoba obostarang namjabatangnaba gnang ine kenchaksoanirang dongenga.

Iani bidingo a·dok sorkari Budbar salo, dingtang dingtang department-rang baksa tom·aniko ong·atangaha aro ia tom·anio a·dokni Chief Minister aro Chief Secretary-ba bakko ra·e, Shillong aro Tura-o ong·enggipa obostarangko nipilangaha.

Tom·a matchotani ja·man a·dokni PHE Minister Marcuise Marak, kobor ra·timgipa manderang baksa agangrikengon, Shillong aro Tura jilla damgnion chibisikrango chirang dongjae, dingtang dingtang gittimrango songdongenggipa manderangna chirangko chu·onga gita on·na man·jaenga ine an·tangni suk ong·gijaniko parakataha.

“Ian a·gilsakni ding·a batroroengani a·selsa ong·engani gimin chinga iani bidingo mamingkoba dakna man·jaenga. Tura-ode chi jokani 20 percent-ni gita komiangaha,” ine Marak parakataha.

Ia neng·nikanirangko chel·chakna gita sorkari cholrangko sandina jotton ka·enga ine janapatengon, “Da·o ong·enggipa obostana sorkari namen jajrengchakenga maina da·o jasarangna mikka wagija dongangkua ong·ode an·chingna mai ong·gen. An·ching chikon man·srangjanaba dongaha,” ine PHE Minister aganaha.

Greater Shillong Water Supply Scheme Phase III-ko a·bachengatna man·genchimode Shillong-o china neng·nikanirangko namatna man·genchimma ine sing·anina aganchakaniko on·angskaengon, ia scheme-ko a·bachengatna man·genchimoba mikka gride maming namgniko ra·bana man·jawa ine Marak parakataha.

Shillong-na chiko on·enggipa Umiew aro Tura-na chi on·enggipa Ganol chibimani chibisikrangko tangatpilna gita sorkari, gong kror 350-mangni project-rangko a·bachengatenga ineba PHE Minister parakatskaaha.

spot_img
spot_img

Related articles

VPP to defy Section 144 imposed Lok Sabha votes counting day on June 4

Shillong, May 29: The Voice of the People Party (VPP) on Wednesday has decided to come out in...

Cyclone Remal impact: 1 dead, 903 houses damaged in Meghalaya

Guwahati, May 29 /--/ Heavy rain and wind triggered by Cyclone Remal have caused the loss of one...

Eknath Shinde seeks unconditional apology from Sanjay Raut for ‘defamatory propaganda’

Shillong, May 29: Maharashtra Chief Minister Eknath Shinde has served a legal notice to Shiv Sena MP Sanjay...

SEBI slaps Rs 5 lakh fine on AGI Greenpac for not disclosing accurate info to shareholders

Shillong, May 29: Markets regulator Securities and Exchange Board of India (SEBI) has slapped a Rs 5 lakh...