Sunday, May 19, 2024
spot_img

DGP-ni kosako matnange badi ka·aniko sandirokna a·bachengaha: Tynsong

Date:

Share post:

spot_img
spot_img

SHILLONG: Office-o jakkalna on·gipa garini registration nombor-ko jakkalsreta ine a·dokni Director General of Police (DGP) LR Bishnoi-ni kosako badi ka·aniko sandirokna a·bachengataha ine Sukrobar salo, a·dokni Deputy Chief Minister aro Home Minister Prestone Tynsong parakataha.

Iani bidingo mamingkoba aganpana gita jechakatengon, jeni giminan DGP-ni kosako badi ka·ahachim, iako niamo pangchake sandirokna on·na nanga aro niam gita kamrangko ka·na on·na nanga ine Tynsong parakataha.

“Saniba kosako maiba kamrangni gimin FIR ka·a ong·ode chinga uko niatna gita nangchongmota. Iani bidingo FIR ka·ahani gimin chinga mokordomako segataha,” ine Tynsong aganaha.

DGP-ni kosako mai ja·kurangko de·gen, uarangni giminba ua mamingkoba aganna gita jechakaha indiba iani bidingo sandirokanirangko a·bachengataha aro sandirokaniko matchotani ja·man kacharisa nanga gita ja·kurangkode de·angaigen ine Home Minister parakataha.

Inquiry committee-ni kosako badi ka·ani giminba ua mamingkoba aganna gita jechakatengon, ian da·o dipet kacharini ning·osa ong·kuenga ine Tynsong aganaha.

Meghalaya a·dokni Director General of Police (DGP) Lajja Ram Bishnoi-na office-o jakkalna on·gipa garini bidingo kamoniko dontongata man·gipa Meghalaya Police-ni gitcham Assistant Inspector General (AIG) Gabriel Iangrai, FIR ka·doangahachim.

Gitcham AIG Iangrai-ni badi ka·doangani gitade, re·anggipa 2023 bilsio uni RTI ka·e am·sandion, inquiry committee-ni janapgipa Hyundai Verna gariko Transport Department-o register ka·e ML-02A 0001 registration nombor plate-ko man·aha aro iakon DGP-na office-ni kamna on·ahachim ine ma·sina man·ahachim.

2022 bilsio, Meghalaya a·dokni DGP ong·e kamko jako ra·na re·bachengani somoio DGP Bishnoi, Assam sorkario register ka·gipa gipok Kia Carnival Limousine model gariosa re·baahachim indiba da·o ua ia gario, Verna Hyundai-na register ka·gipa ML-02A 0001 nomborkon jakkalskaenga ineba Iangrai matnangatahachim.

spot_img
spot_img

Related articles

RCB beat CSK by 27 runs to secure final playoff spot

Bengaluru, May 18: Royal Challengers Bengaluru defeated defending champions Chennai Super Kings by 27 runs to secure the...

SRH aiming for second spot in points table with win over PBKS

Hyderabad, May 18: High on confidence after making their first playoffs in three years, Sunrisers Hyderabad will aim...

RR aim to snap losing streak as they face table toppers KKR

Guwahati, May 18: Rajasthan Royals will be desperate to snap their four-match losing streak and finish in the...

Bayer Leverkusen complete unbeaten Bundesliga season

BERLIN, May 18: League champion Bayer Leverkusen became the first team to complete a Bundesliga season undefeated on...