Ia dolgni NGO-rangni parakatani gitade, Panda-oni Kanaidao-ona dakanggipa ramako tarianirang namjani a·selan da·o ia rama ta·raken nosto ong·engaha aro ramarango a·kolrara dakakosa nikna man·engaha.
Ia ramako tarigipa contractor-rang, rama kosako alkatrakosa rudapmangmangaiaha aro ning·aode mamingan dongja ineba dolgni NGO-rang matnangataha.
Ia ramako tarigipani bidingo dolgni NGO-rang video-koba watataha, jeon ia ramani kosako alkatramangmangko rudapanikosan nikna man·aiahachim.
Iani bidingo AOSW aro FKJGP-ni membor-rang, kam ka·giparango sing·sandion, uamang mamingkoba iani bidingo aganchakjahachim.
“Ia ramako tarigipa contractor-rang, manderangko togina jotton ka·enga. Uamang ia ramani kosakomangmangsan alkatrako rudapaia aro ning·ode mamingan dongja. Ian mikka waani somoiode ramako rimilatgen aro ian manderangna kenchakna nanganiba ong·gen,” ine Rongara-ni AOSW aro FKJGP dolrang parakataha.
Ia rama tarianiko jegalatengon, iani bidingo ta·raken ja·kurangko de·china aro ramako niam gita tarina ge·etaniko on·china dolgni NGO-rang, a·dok sorkariko didiataha.