SHILLONG: Dominic Megam Sangma-ni tarigipa ‘Rapture’ jawilwatko France a·songni Capprici Cinema, Anna Films Shillong baksa nangrime, France a·songni dam 100-na baten theatre-rango mesokna gita oprakataha.
Garo jawilwatko iandake a·gilsak gimiko mingsing minggame France a·songni theatre-rango mesokaniara ian skanggipa changna Meghalaya a·dok gimikni jawilwatba ong·aha.
Ia jawilwatko tarina Anna Films Shillong, tangka paisarangko dakchakaha aro ian A·chikrangni daka rikani aro bebera·aniko jawilwatchi nambee tariahani gimin a·gilsak gimikon manderangni namnikanirangkoba man·engaha.
Ia jawilwatko Dominic Sangma-ni tarianiara a·gilsak gimikni jawilwat tarianio dingtangmanchagipa ong·aniko mesokani ong·aha aro ia jawilwatko France a·songo mesokanian ia jawilwatni ga·suaniko aro mingsinggipa ong·aniko mesokaniba ong·aha.
Indake ong·engon, ia ‘Rapture’ jawilwatna Groupement National des Cinémas de Recherche (GNCR)-ni gita dingtangmanchagipa upattiko on·aha ineba Capprici Cinema parakataha.
Ia jawilwatko France a·songni dingtang dingtang cinema-rango mesokani ja·man re·baenggipa antirango gipin biaprangoba mesokangna sienga ineba Capprici Cinema u·iataha.
Adita salrangna skangsa, ia bilsini Asia Pacific Screen Awards (APSA)-ko Australia a·songni HOTA Gold Coast-o ong·atanioba, A·chikrangoni jawilwat tarianio mingsing minggamako man·gipa Dominic Sangma-ni ‘Rapture’ jawilwat, Cultural Diversity Award-ko man·ahachim.
Apsan salon, Jio MAMI Mumbai Film Festival-ko ong·atanioba Dominic Sangma-ni tarigipa ‘Rapture’ jawilwat, NETPAC Award-koba man·ahachim.
Dominic Sangma-ni tarigipa ‘Rapture’ jawilwatko France a·songo mesokenga
Date:
Share post: