SHILLONG: New Shillong Township-o rikenggipa gital Assembly complex-ko bera ka·gipa be·ani salgipino obosta ong·ako nirokna gita Chief Minister Conrad Sangma sokangaha. Indake ia obosta ong·aniara ba bera kadulgipa be·pakanichi mongsonggipa buildingko rikanio maming dakeba nangchakejawa ine aganaha.
Conrad Sangma, obosta ong·ani salgipinon New Shillong Township-ona Sonibar salo re·ange nirokeaha. Indake nirokeani ja·man be·ra be·pakaniara building-ko rikanio maming dakeba nangchakejawa ine talataha.
“Complex-ko kadulgipa bera be·pakgipa biap, main building rikenggipaoni namen chel·a, aro uan dingtanggipa project-sa ong·a ine Chief Minister aganaha.
Sangma-ni aganani gita, da·o be·grugipa berako Assembly Secretariat-sa nirokenga, PWD ong·ja, aro ia project-ko ru·uta bilsirang skangan rikaha.
Ia wall ba bera kadulgipara a·a rurongani aro gipin a·selrangni gimin be·pakaha.
“Ia obostara building-ko rikenggipachi maming dakeba nangeja, uni gimin jajrengna nangjawa ine Sangma aganaha.
Da·o rikenggipa gital Assembly building-ko kadulgipa pakma mni Sukrobar salo be·pakaha.
Bilsi 2022 May 22 tariko bilsi gni skangba Assembly building-ni dome ga·akaha.
Ua mamlako sandiaon Indian Institute of Technology, Guwahati, project-o kam ka·gipa contractor aro designer-ni gisepo agangrikanirang chu·sokgijani a·selsa dome ga·akaha ine talataha.
