4th Teachers, CM-naba memorandum-ko on·a

TURA: 4th Teachers association Education Minister Rakkam A Sangma aro State Education Commission-ni Secretary Ambrose Ch Marak- uamangko gronge memorandum-ko on·a ja·man, Sukrobar salo apsan memorandum-ko Chief Minister Conrad K Sangma-na on·angskaha.
Teacher-rang uamangni service-ko regularisation ka·china, Adhoc UP teacher-rang gitan apsan dormahako on·china aro uamangni dormahako aro bilsio 5 % increment on·gipako somoi gita watchina dabienga. A·doko 4th Teacher-rang chu·gimik sak 1521 donga.
Sukrobar salo uamangni on·gipa memorandum-o skigiparang, Chief Minister-ko uamangni dabianiko nirokatchina mol·molaha aro ia mamlako ta·raken chu·sokatchina mol·molangkuaha.