Thursday, September 11, 2025
spot_img

WGH-o niam gri chalaienggipa saw mill-rangko chipata

Date:

Share post:

spot_imgspot_img

TURA: West Garo Hills a·jani a·kawe jolrango niam gri saw mill-rangko chalaienga ine dingtang dingtang dolrangni badi ka·ani ja·man re·anggipa Sukrobar salo, Garo Hills Autonomous District Council (GHADC)-ni ning·o donggipa Forest department-ni official-rang, Masangpani aro Nimaikata songrango niam gri chalaienggipa saw mill-rangko chipattokaha.
Ia saw mill-rangko chadrapeanio Forest official-rang, saw mill-o jakkalenggipa ma·manti ostrorangkoba rim·aha.
“Ia jolrango niam gri saw mill-rangko chalaienga ine badi ka·anirangko man·soani ja·man chinga ia songrangona re·ange nion, ia saw mill-rangko maming lekka aro licence grisa chalaienga ine nikna man·aha. Chinga buring bolgrimrangko ripinge rakkina kamrangko ka·enga aro iandake buring bolgrimrango donggipa bol wa·arangko nisie galaniko nie dongchajawa,” ine GHADC-ni Range Forest Officer parakataha.
Songo noko iandake niam gri sawmill chalaianiko ba niam gri bol badingsrukanirangko nikgenchimode ta·raken kobor on·china gitaba Forest official-rang, songni nokni manderangko didiataha.
Ia sawmill-rangko chalaienggipa manderangni kosako rakgipa ja·kurangko de·gen ineba Range Forest Officer parakataha.
West Garo Hills a·jani a·kawe jolrango donggipa Phulbari, Masangpani, Nimaikata, Belbari aro New Bhaitbari songrango niam gri sawmill-rangko chalaiengani a·sel Garo Hills-ni bolrangko niam gri rate ia sawmill-rangona ra·baskaenga ine adita salrangna skangsan, A·chik Progressive Approach (APA) Phulbari western zonal parakatenba, ia sawmill-rangko ta·raken chipatchna Holaidonga-ni Assistant Conservator of Forest (ACF) in-charge-na sedoatahachim.
Ia sawmill-rangko ta·raken chipatchina Forest official-ko didiatengon, ia jolrango niam gri sawmill-rangko chalaiengani a·sel samtangtango ong·telaigiparangna nangchakeaniko ra·baenga aro ian buring bolgrimrangna dongimin niamrangko pe·ani gitaba ong·enga ine APA Phulbari western zonal-ni general secretary Pretington Marak parakataha.

spot_imgspot_img

Related articles

PM Modi speaks with Qatar Amir, expresses deep concern over Doha attacks

New Delhi, Sep 10: Prime Minister Narendra Modi on Wednesday held a telephone conversation with Amir of the...

Kerala HC orders return of gold-plated panels removed from Sabarimala temple

Kochi, Sep 10: In a setback to the Travancore Devaswom Board (TDB), the Kerala High Court has ordered...

India is in ‘active talks’ with the US for trade agreement: Piyush Goyal

New Delhi, Sep 10: Union Commerce and Industry Minister Piyush Goyal on Wednesday said that the government is...

Jitendra Singh releases Central Civil Services Unified Pension Scheme Rules 2025, FAQ film

New Delhi, Sep 10: Union Minister of State for Personnel, Public Grievances and Pensions, Jitendra Singh, on Wednesday...