SHILLONG: Re·anggipa Sonibar salo, North Eastern Indira Gandhi Regional Institute of Health & Medical Sciences (NEIGRIHMS)-ni ning·o donggipa Paediatrics Department-ni gita East Zone Paediatric Nephrology Conference 2024-ko ong·atangaha.
Ia conference-ko Paediatric Department-ni Head aro Professor Dr Himesh Barman, Associate Professor Dr Rosina Ksoo aro Assistant Professor Dr Mampy Das-ni dilanichi ong·atangaha aro ia conference-o Nephrotic Syndrome, Glomerulonephritis, aro Urinary Tract Infections (UTI)-ni bidingo agan-talatanirangko on·angaha.
Ia conference-ko ong·atanio, NEIGRIHMS-ni Medical Superintendent Prof (Dr) C Daniala-ba dongpae jinmana aganprakengon, NEIGRIHMS-o Paediatric Nephrology Unit-ko kulina nangengani gimin aganangaha.
Ia conference-o jinmana agan-talate on·anggipa gipin manderangara, Bangalore-o donggipa St John’s Medical College-ni Dr Anil Vasudevan aro Pune-o donggipa KEM Hospital-ni Dr Valentine Lobo ong·a.
Ia conference-ko ong·atanio, dingtang dingtang a·dokrang, jekai West Bengal, Meghalaya, Orissa, Bihar, Jharkhand, Mizoram, Arunachal Pradesh aro uandakgipa a·dokrangoniba pediatric nephrology faculty membor-rang dongpae bak ra·angtokaha.