Saturday, January 18, 2025
spot_img

AICC-ni dilgiparangsa MPCC-ko dilchina nangnikenga ine Pala a·kanga

Date:

Share post:

spot_img
spot_img

SHILLONG: Shillong Parliamentary seat-ko chepiltaina man·jahani gimin ua an·tangan kamtangko watna aganahachim indiba All India Congress Committee (AICC)-ni dilgiparangsa uko Meghalaya Pradesh Congress Committee (MPCC)-ko dilangkuchina ge·etaha ine Mongolbar salo, Shillong-ni gitcham Lok Sabha MP aro MPCC-ni president Vincent H Pala a·kangataha.

“Anga an·tangde MPCC president ong·aniko watna nangnikahachim indiba AICC-ni dilgiparangan MPCC-ko dilkuchina angko nangnikaha. Ma·mongo Congress dolko dilenggiparangni nangnikani gride anga MPCC-ni president ong·e dongchajawahachim,” ine Pala aganaha.

Meghalaya a·doko Congress dol da·o bilgribatsranggipa gadangona sokahani gimin ua kamtangko watgenchimode uan uni gualani ong·gen ineba Pala aganaha.

“Anga da·o kamtangko watgenchimode anga chu·sokgipa ong·jae bame on·aha inesa manderang chanchignok. Meghalaya a·dokni manderang Congress dolkosa ka·dongbatengani gimin anga an·tangan Congress dolko bilakbatatanio dilgipani kamko jako ra·angkuna tik ka·aha,” ine MPCC-ni president aganaha.

Pala-ni talatani gitade, uko bilsi gittamnasan MPCC-ni president songaha ineba AICC-oni maming janapani dongjachim.

“Party-ni president-ko indita bilsina seoka ine AICC-o maming niamrang dongja,” ine ua aganaha.

Iani bidingo toe janapatengon, AICC-ni gitcham president Sonia Gandhi-ba baditaba bilsirangna AICC-ni president ong·e dongaiaha ine Pala aganaha.

Congress dolni mitam dilgiparangsa uko MPCC-ni president ong·aniko namnikjae iako tol·e aganaha ineba MPCC-ni president parakataha.

Pala-ni aganani gitade, Congress dolko wate katgipa mitam dilgiparang uni kosako kragija dake matnangahani gimin da·o Congress dolona re·bapilna man·diktokengaha.

spot_img
spot_img

Related articles

POT POURRI

Two men hospitalised with mosquito-borne viruses Sydney, Jan 17: Two men in the northeastern Australian state of Queensland have...

Syrian Christians want freedoms protected

Nicosia, Jan 17: As Syria begins recovering from 50 years of autocratic rule by the Assad family, an...

US SC upholds law banning TikTok

Washington, Jan 17: The Supreme Court on Friday unanimously upheld the federal law banning TikTok beginning Sunday unless...

Israel’s security Cabinet recommends approval of ceasefire

Deal goes to full Cabinet for final sign-off Jerusalem, Jan 17: Israel’s security Cabinet on Friday recommended approval of...