Friday, February 14, 2025
spot_img

GH-o nok-jam gimaatna nanggipa bang·a manderang dakchakaniko man·ja ine Bernard matnanga

Date:

Share post:

spot_img
spot_img

TURA: Batanggimin sal somoirango, Garo Hills-o dontonggija mikkarang waanganichi a·arang be·anio aro chirang bananio nok-jamrangko aro ma·manti gam-jinrangko gimaatna nanggipa bang·a nokdangrangan sorkarini gita on·enggipa tangka paisarangko man·tokkujaenga ine Tura-ni MDC aro BJP-ni state vice president Bernard N Marak matnangataha.

Marak-ni parakatani gitade, bang·a nokdangrangan PMAY nokrangko aro Ration Card-rangkoba man·tokkujaenga aro ian Garo Hills-ni manderangna namen jarengna nangani ong·enga.

“Beneficiary ba namgniko man·enggipa manderangni account-rango sorkari, Aadhar gita tangka paisarangko gamna gisik nangjaha aro chi bananirangchi nangchakeaniko man·gipa bang·a nokdangrangnan tangka paisani gita dakchakanirang sokangjaenga. Mitam official-rangni on·gipa form-rango Aadhar aro Bank account-rangni gimin gapatna maming cholrang dongjani a·sel bang·a nokdangrangan ia namgnirangko man·jaenga ine anga bebera·a. Uni giminsa official-rangni kamko altubatatna gita anga nangchakea man·gipa nokdangrangni bidingo chu·gimikko ma·sina man·na gita dingtangmancha cholko ra·gataha aro iano nangchakeako man·gipa songni manderang gapattokenga,” ine Tura MDC talatangenba, manderangni gapatgipa lekkarangko bakan Chief Minister-na on·atgen ine parakataha.

Sorkarini on·enggipa namgnirangko pilak manderangan man·china gita manderangni gapatgipa form-rangko uamang ma·mong sorkarini official-rangnaba on·atgen ineba Marak parakataha.

“A·dokrangna on·enggipa Prime Minister’s Relief Fund-ni ning·o tangka paisani gita dakchakaniko man·na manderang nangniktokachim indiba Meghalaya a·dokode manderang iani maming namgnirangko man·jaenga. Disaster Management department-ba chingni RTI-na maming talatanirangko on·na man·jaha. Bolni dolongrangni pal RCC dolongrangko rikna nangachim indiba bolni dolongrangni pal RCC dolongrangko rikjahani a·sel chi banangani somoio bang·a dolongrangan pe·ako man·tokaha aro ian ANVC dolrangni songgigrikaniko pe·ani gitaba ong·aha. Bang·a songrangon nosto ka·ako man·gipa PMGSY rama aro dolongrangko ta·raken taripilna gitaba nangenga,” ine Marak parakataha.

Chi bananichi neng·nikanirangko man·enggipa manderangna ma·mongni BJP sorkarisa tangka paisarangko on·atenga ine janapatengon, batanggimin somoirango South Garo Hills aro gipin a·jarango chi bananirangchi neng·nikanirangko man·enggipa manderang maini a·sel tangka paisani gita dakchakanirangko man·jaha ineba BJP-ni state vice president, a·dokni Chief Minister Conrad K Sangma-ko sing·doataha.

Garo Hills-o NPP-ni manderangna bundle gni ka·e CGI sheet sualaniko dontongchina gitaba Marak, a·dokni Chief Minister aro NPP-ni national president Conrad Sangma-ko didiataha.

spot_img
spot_img

Related articles

Kane lifts Bayern to win over Celtic

Milan, Atalanta, Monaco suffer defeats Champions League playoffs Munich, Feb 13: Bayern Munich looks set to survive the new Champions...

Maignan’s howler hands Feyenoord a 1-0 victory over AC Milan

Rotterdam, Feb 13: A rare mistake from AC Milan’s standout goalkeeper Mike Maignan gifted Feyenoord an early lead...

Monaco’s Musrati gets shown a quick red card in loss to Benfica

Monaco, Feb 13: Monaco midfielder Al Musrati got a harsh-looking red card from referee Maurizio Mariani early in...

Semi-automated offside technology to be used for first time in FA Cup

London, Feb 13: Semi-automated offside technology will be used in English soccer for the first time at seven...