SHILLONG: Umiam dam gita night bus-rangko watjaenba passenger-rangna neng·nikaniko ra·basan ong·aija, dal·dalgipa trak garirangkoba dolong tia watjaengani gimin Shillong songjinmao bosturangni damrang aditan tang·doskaenga.
Shillong songjinmaona je bading-chiwalgiparangan bosturangko bang·e bang·e ra·baengachim, uamangni koborna aganani gitade, Guwahationiko Shillong-ona salbaenggipa dal·dalgipa garirangko Umiam dolong gita batsotna on·jani a·sel bosturangko salbaani koros 40 percent-ni gita bariaha.
Unaskangde bostu salbagipa garirangko Umiam gita Shillong-ona tongtong re·na on·achim, indiba da·o Umiam dolong gita re·na watjahani a·selo, Umiam-oni Mawryngkneng, unonisa Shillong sokbaenga aro km 80-90-ko chel·bate songrena ga·akaha.
Bading-chiwalgiparangni aganani gitade, bosturangko salbaanio chel·bate re·na nangahani gimin bosturangko salbaani korosrang bataha aro uarangko Shillongo koros ka·e cha·giparangni kosako gatdapna ga·akaha.
Bostu salgiparang indakeba aganaha je bostuni damrang Shillong-na bate Jowai-ona komibata, maina bosturangko salanggipa dal·dalgipa garirang Jowai-ona Kg. prako Gongsa ka·e ra·enga aro Shillong salbagiparang Kg. prako Gong 1.40 ka·e ra·skaenga.
Unomitingo A·dok Sorkari, Mawiong-o naatena gita rama gipinko tarina chol sandienga indake ong·genchimoba kamrangko matchotatna gita haida bilsisade nangaigen.
Umiam dam gita trakrangko watjani a·sel Shillong-o bostuni damrang rakdatenga
Date:
Share post:
