TURA: State Reservation Policy (SRP)-ko gital dake nipiltaiani bidingo dingtang dingtang dolrangni aro manderangni chanchiani aro nangnikanirangko knatime ra·na gita Sombar aro Mongolbar salrango Expert Committee-ni hearing-ko Tura-ni District Rural Development Agency (DRDA) conference hall-o ong·atangaha aro ia hearing-o Garo Hills-ni dingtang dingtang NGO-rang, jekai GSU, FKJGP, ADE, AYWO, FAF, NTDF, GGU, aro gipin dolrangba bak ra·e, an·tangtangni nangnikani aro chanchianirangko, Expert Committee-na u·iataha.
Hearing matchotani ja·man dingtang dingtang dolni dilgiparang, kobor ra·timgiparangna talataniko on·angengon, 1972 bilsio State Reservationj Policy-ko ra·gatchengaonin Roster dongjani a·sel A·chikrang an·tangtangna chamgimin bak rengsiko gimaatna nangahani gimin mikkangchiba Reservation Policy-ko skango pagitchamrangni tarie donanggimin gitan Garorangna 40%, Khasi-Jaintiarangna 40% OBC-na 5% aro general category-na 15%-kon chamangkuchina uamang, Expert Committee-na ku·pattianiko on·ataha ine GSU, FKJGP, AYWO, FAF, ADE aro gipin dolrang parakataha.
“Skangonin Garo Hills-o namnamgipa skul-college-rang dongjani a·selo A·chikrang lekka poranio namen ja·manchakaha aro iani a·sel an·ching kamna ra·anioba an·tangtangni bak rengsirangko bang·en gimaatna nangaha. Indita bilsi A·chikrangni man·na nanggipa kamrangko ja·mano gapatpilgen ine dona da·onan chu·sokkuja, uni giminsa mikkangchiba ia reservation policy-ko dingtangatgija A·chikrangna 40 percent-kon chame donangkuchina chinga Expert Committee-na ku·pattianiko on·ataha,” ine NGO-rang parakataha.
Gitcham Reservation Policy-kon ja·rikangkuchina A·chik NGO-rang didia
Date:
Share post:
