SHILLONG: Meghalaya a·dokona niam gri napsrukanirangna kenchakenba dingtang dingtang dolrang, rel gari ra·napbaaniko jegalsotokengon, a·dokona bostu salgipa rel garirangkode ra·bana nangenga maina ian niam gri napsrukanirangko champengani mingsa chol ong·an baksana economy-ko tang·doatani cholba ong·gen ine a·doko Bharatiya Janata Party (BJP)-ni dilgipa Mariahon Kharkrang aganaha.
Garirango songregiparangna batede rel garirango songregiparangkon nambate nirok sandina man·a maina songre songgabatgipa manderang, an·tangtangni seokgimin station-rangosa ong·onna gita nangani gimin a·dokona re·baenggipa manderangko nambate ma·sina man·a ineba ua aganaha.
Ian uni chanchianisan ong·aia maina BJP-ni gitade iani bidingo maming chanchia dongkuja ineba ua talataniko on·angskaaha.
Meghalaya a·doko mande salruragipa rel garirangko ra·bana man·jaenga ong·ode, manderangni janggi tangani gadangko nambatatna gita bostu salgipa rel garirangko ra·baskana nanga ineba Kharkrang aganaha.
Kharkrang-ni talatani gitade, rel garirango damrang komibatani gimin game ge·e cha·gipa manderangba an·tangtangni bosturangko kraa damrango palna sim·na man·a aro bosturangko komia damrangoba palna sim·na man·a.
“Meghalaya a·dokona ra·baenggipa bosturangni damko nigenchimode uan ra·baani korosni a·selsa ong·enga. An·chingonaba bostu salgipa rel garirangko ra·bagenchimode, game ge·e cha·giparangba namgnirangko man·gen aro gipin biaprangoniko ra·baenggipa bosturangba dam komikalgen,” ine ua aganaha.
Dingtang dingtang dolrang baksa agangrikanichi, a·doko songdongenggipa manderangna rel garirangni namgniko on·china gita ua a·dok sorkarikoba didiataha.
“A·dokona rel garirangko ra·bagenchimode economy-ni gita bang·en namgnirangko man·genchim. Uni gimin a·doko songdongenggipa manderangna namgni ong·na gita a·dok sorkari, dingtang dingtang dolrang baksa agangrike cholrangko sandina nanga,” ine ua aganaha.
Kharkrangni aganani gitade, rel garirangko ra·bana on·jaengani a·sel Meghalaya a·dok, ma·mong sorkarini namroro silroroaniko ra·bana rakbee kam ka·aniko gala gita ong·enga.