SHILLONG: Delhi election-o chanchisoanina bate cheani singgako sikaha, Member of District Council (MDC) electiong ong·na am·enganio cheaniko man·a Meghalaya-ni Bharatiya Janata Party (BJP) ka·dongsoenga.
Delhi-ni cheaoni Meghalay a·dokoba cheaniona sokdona ka·donge bebe ra·ani ja·man a·doko saffron party, MDC election-o susaangenga.
Delhi songjinmao cheaniko man·on Meghalaya a·doko party-ni worker-rangna gisikni gita tang·doaniko man·angaha ine Shillong songjinmani party office-o jinma maniani somoio kobor ra·timgiparangna BJP General Secretary Wankitbok Pohshna aganaha.
“Manderangona chingni kattarangko ra·angna skangna bate da·o worker-rang gisiko nangbataha. BJP-ni a·sol dingtanganiko niatchina chinga voter-rangna agangen,” ine Pohshan MDC poll-o seat gimiko chakatengani bidingo aganaha,
Party-ni namgipa sorkarina on·kangani gimin ua agandapangaha, BJP dolna cholko on·a ian Meghalaya a·dokni manderangna somoi ong·engaha, ine ua aganaha.
“A·dokni manderang da·ode BJP-chikosa niatna nangchongmotengaha. Dingtanganiko, nikjoke kam ka·aniko, namroroaniko aro bilakgipa sorkariko Meghalaya a·dokona ra·bana chinga taria.,” ine ua agandapangaha.
Shillong-o Delhi election-ni cheanina uamangni kusi ong·ani chin gita BJP worker-rang kal·ani bomarangko aro cheanina chrik a·bokanirangko party-ni office mikkango dakaha. Party bebe ra·a ia cheani chipakore MDC election-o mikkangchina ra·angna man·gen, a·dokni political a·bao gadang gimikko bilakdapatgen.
Election ong·na am·engan baksa BJP campaign-rangko ka·engaha, Meghalaya political a·bao dingtanganiko ra·bana ka·dongsoenga.
