SHILLONG: Manderang jemangan pressure group-rangoni sualgipa slip-rangko man·sogiparang ong·katbachina Meghalaya Police didiangaha aro iarangni bidingo am·sandianiko dakangna report ka·echina mol·molangaha jeon mamlako badi ka·anio police dakchakgen, ine mol·molangaha.
Noksao, tangka paisarangko drae gilani lekkarangko mesokangaha, koborrangko man·soani gitade, Iewduh-o gipin jat badingchiwalgiparangna dingtang dingtang pressure group-rangni gita tangka paisarangko drae dabigipa social media-o giproroangaha.
Iani bidingo dingtangmancha matnangatani kattarangko da·o dipet police man·soa dongkuja aro uamang report-mangmangkosan man·sokuenga, ine ia mamlani bidingo Deputy Inspector General of Police (Eastern Range), Davis R. Marak aganaha.
“Ian mamlako segatna chingna neng·nikani ong·a aro je manderang ia dabigipa lekkarangko man·soa uamang ong·katbana nanga aro badi ka·na nanga aro chinga ia mamlana ja·ku de·anggenchim,” ine ua aganaha.
Marak-ni parakatani gitade, manderangan ong·katbaja ong·ode aro chu·gimik kattarangko aganangjaode mamlao chu·gimik kam ka·angna police-na amgijani ong·a aro mamla segatna aro trial-ni somoio sakki on·angna neng·a,” ine ua aganaha.
Apsan dakgipa matnanganirangko man·soani ja·man police dol mejamangmang indakgipa pressure group-rangni member-rangko rim·aha indiba iano kakketko agangenchimode kenani gimin dokano donggiparang aro badingchiwalgiparang badi ka·na jechakaia.
Uamangna police ka·donganiko on·angaha jeon uamang address ba bimingrangko on·chapatna nangjawa, indiba bano aro basako ia tangka dabiani lekkarangko sualangaha uni kobor mangmangko on·pachina police mejamangmang uamangko mol·molangaha.
Gipin jat badingchiwalgiparangna pressure group-rang tangka dabiani lekkako suala
Date:
Share post:
