Williamnagar: July 11 tariko East Garo Hills (EGH)-ni ning·o Nengkra songni manderang aro civil society dolrang, East Garo Hills-ni Nengkra-o Children Adolescents and Digital Library rikgipako oprakna Meghalaya sorkarini chanchiani kosako jripjrip aro tom·tome apsan chadenge jegalangaha, jeon uamang jakkalna kenchakani aro tariani gadangna chanchie ong·ataha.
“Jegalaniko salgimik ong·atanio mamingkoba dakjaha indiba manderangni namgni baksa manderangni namen ka·dongchakna man·gipa authority-rangni gita ning·tue chanchina nanganiko, suk ong·gijaniko aro cha·bokna chanchienganiko bon·atnasa,” ine jegalgiparang aganaha.
Songni manderang aro Garo Students’ Union (GSU)-ni manderang, Federation of Khasi Jaintia and Garo People (FKJGP), Garoland State Movement Committee (GSMC), A’chik Holistic Awakening Movement (AHAM), A’chik Dedicated Integrity Leaders (ADIL), All A’chik Youth Federation (AAYF), aro A’chik Progressive Approach (APA)-ni gita jensalo iako rim·aha man·a jeon library nok rikgipako namgijagipa gadangosa rikako apsan am·sandianiko dakanio rim·a man·ani ja·man uamang jegalangenga.
“Mongsonggipa building noko namgija plaster ka·giparang bretengaha. Nambatgipa gadango paikana aro mikka chiko ripingani cholrang gimikan tarigimin design gitade ong·jaha aro koros ong·anirangko rongtalen parakangaha, ia a·jani bi·sarangni aro chadamberangni namroroanina miksonggipa public fund-rangko jalsretaniko nok rikgipao ma·siangna man·aha,” ine CSO-rang aganaha.
June 30 tariko BDO-na iani bidingo u·iataha jean uamangna jani gisepo kragipa ja·kuko de·angna ka·dongataniko on·aha. Uamang EGH-ni DC-na matnanggipa gimikon see on·aha indiba a·bachenge ja·kukon de·jaha.
“Technical-rangchi am·sandianiko a·bachengatani pal ba iarangna nangchongmotaniko aganani pal administration ia rika matchotgijako aro CSO-rangni ba songnni manderangni ma·siani gri substandard rikgipako official-ni gita nokdongganasa tarisamsoenga, ian ka·tongko be·atbatgipa ong·enga. Jatni ku·rangko pindapna jotton ka·a aro ka·tongchakna man·aniko cha·boka man·gipa ong·e manderangni gita ia ja·kuko de·aha. ” ine jegalgiparang aganangaha.
“Union Finance Minster jean a·doko dingtang dingtang project-rangko oprakangna video gita wenan baksa da·al nokdonggaaniko nambatatjana miksonge jegalaniko dakjolangaha. Ma·mong dilgipani mikkango chu·soksranggipa namroroani dake tolgipa kamko mesokna ian jotton ka·gipa ong·engasan ong·ja indiba ian a·jani manderangni gisikko chonnikgipaba ong·a, ine Nengkra-ni mande aganaha.
Administration gimikni kammangmangni ga·akakosan uamang mesoka ong·ja indiba ronggrike kam ka·batgijaniko mesokanio parakatgipa ong·a.
“Ia ja·ku de·aniko chinga bilaken jegala. Chinga bebe ra·a ian Nengkra-ni manderangkosan cha·boka ong·ja indiba dal·begipa A·chik a·jako kam ka·a namgijani ning·o mikkangchina bakrogipa saknaaniko ra·bagipa ong·enga. Chinga jrpjrip dongchajawa. Namgipa namroroanina, ronggrike ka·anina aro kakket bichalna chingni dabianio chinga mikkim ong·e chadenggen. Kenbegnigipa a·sel ong·na skang champengsona aro ia kakketgijagipa gimikna ja·ku de·na pilak songdonggiparang, nitimgipa institution-rangko aro chubatgipa gadangni authority-rangko chinga okamgen,” ine songdonggiparangko mol·molangaha
Substandard library project-ko oprakani kosako Nengkra-ni manderang aro CSO jegalanga
Date:
Share post:
