SHILLONG: Meghalaya, re·baenggipa ja 12-18 somoirangni gisepon a·dokni gimik bakrango homestays rikaniko te 3,000-ona sokatna nisanko donenga. A·dokni tourism sector-ko tang·doatna aro jolni manderangni janggi tangani cholrango ra·dona miksonge sorkari kam ka·enga ine Sonibar salo Chief Minister Conrad Sangma aganaha.
Smit songo jolni manderang aro entrepreneur-rang baksa agangrikmitingo CM Sangma indine aganaha, “a·doko da·o te 900-ni gita homestay-rangko kuliataha, te 2,100 homestay-na sorkari sanction ka·anggen. A·dokni tourism-ko namdapatna gita homestay-ko bariatna nangenga, ian jolni manderangna namgni ong·gen, gipin biaprangoni sokbagiparangoniko jolni manderangan kamaina man·gen.
Indake CM, jolni homestay nokgiparang, tourist aro jolni manderang baksa agangrikangaha. Uni gisepon songni manderang ramao street light-ko tekani, ramarango jabolrangko skatang galramramni bidingrango janapaha. Iana CM, daitoko gnanggipa department baksa agangrikna ka·dongataha.
Iarangna agreba CM, tourism-ni dingtang dingtang scheme-rang jekai- Skills Meghalaya, PRIME aro CM Elevate- iarangni gimin agane on·aha unbaksana re·baenggipa bilsi 2027-o chang 39-gipa National Games-ko sokachakna tarisoaniara a·dokni tourism-ko namdapatgen ine aganaha.
