TURA: Re·baenggipa December-ni 28, 29 aro 31 tarikrango Meghalaya a·dokni ning·o donggipa pilak sorkari office baksana Revenue aro Magisterial Court-rangko salgittamna chipe donanggen ine General Administration Department-ni Commissioner & Secretary u·iataha.
Ia salgittamna sorkari office baksana kacharirangko chipe donengani gimin re·baenggipa 2022 bilsini March jao 12, 19 aro 26 tarik Sonibar salrango sorkari office aro kacharirangko kuliangskagen ineba sorkari officer u·iataha.
