SHILLONG: Meghalaya a·doko mijal salni bako sak 86 manderang COVID-19 sabisiko man·dapaha aro sak 162 manderang sabisioni nampilskaaha, unomitingo apsan salni gisepon sakgni manderang Covid sabisio uamangni janggirangko gimaataha.
Sonibaro sak 86 Covid man·dapgiparangoni, East Garo Hills-o sak 7, East Jaintia Hills-o sak 5, East Khasi Hills-o sak 22, Eastern West Khasi Hills-o sak 2, North Garo Hills-o sak 7, Ri-Bhoi-o sak 10, South West Garo Hills-o sak 2, South West Khasi Hills-o sak 1, West Garo Hills-o sak 20, West Jaintia Hills-o sak 5 aro West Khasi Hills-o sak 5 Covid man·dapaha.
Mijal salni bako sak 162 manderang covid-oni nampiltokaha, uamangoni East Garo Hills-o sak 2, East Jaintia Hills-o sak 2, East Khasi Hills-o sak 51, Eastern West Khasi Hills-o sak 3, North Garo Hills-o sak 13, Ri-Bhoi-o sak 19, South Garo Hills-o sak 2, South West Garo Hills-o sak 4, South West Khasi Hills-o sak 23, West Garo Hills-o sak 28, West Jaintia Hills-o sak 9 aro West Khasi Hills-o sak 6.
Sonibaro, East Khasi Hills aro Eastern West Khasi Hills-o sakprak Covid man·e siangaha.
Meghalaya a·doko Covid sabisiko man·giparang gimikchide mijalona sak 92,933 gapaha, uamangoni sak 90,522 manderang sabisioni nampilaha aro sak 1,561 manderang sabisio siangaha, da·o sak 850 manderang Covid man·e dongenga.
Meghalayao sak 850 Covid man·e donggiparangoni, East Garo Hills-o sak 25, East Jaintia Hills-o sak 21, East Khasi Hills-o sak 328, Eastern West Khasi Hills-o sak 31, North Garo Hills-o sak 25, Ri-Bhoi-o sak 108, South Garo Hills-o sak 13, South West Garo Hills-o sak 23, South West Khasi Hills-o sak 16, West Garo Hills-o sak 143, West Jaintia Hills-o sak 92 aro West Khasi Hills-o sak 25 dongkuenga.
