SHILLONG: North Garo Hills a·jani Upper Rajasimla songo gimaenggipa me·chik bi·sako police-rang sandiengkua ine Mongolbar salo, a·dokni Deputy Chief Minister aro Home (Police) Minister Prestone Tynsong aganaha.
“Ia kamna sorkari gisiko nangen kamko ka·enga aro ia me·chik bi·sako uni nokdangona rimbapilna gita police-rang bilaken kamko ka·enga,” ine Assembly-ni Autumn Session-o Kharkutta-ni MLA Rupert Momin-ni sing·anina Tynsong aganchakaniko on·angaha.
Ia me·chik bi·sako sandina gita police-rang aro dingtang dingtang dolrangba neng·takgija kamko ka·enga ine janapatengon, ia me·chik bi·sani gimaaniko sorkari ma·sina jotton ka·enga ine Deputy Chief Minister aganaha.
Ia me·chik bi·sani gimaanina police-rang mande saksako rim·aha aro ia mandeo sing·sandianirangko dakenga ineba Tynsong parakataha.
Upper Rajasimla songni bilsi 5 ong·kuenggipa me·chik bi·sa, re·anggipa July 18 tarik attamni 1:30 bajimango, uni ma·a paa noko dongjamiting somoio rang·san gimaangahachim.
Ia me·chik bi·sani gimaani bidingo uni pagipa Kharkutta Police Station-o missing report-ko on·aha aro untalan ia me·chik bi·sako police-rang sandina a·bachengatahachim.
Ia me·chik bi·sako sandianio police-rang baksana songni manderang aro dingtang dingtang dolrangba dakchakpaengachim.
Ia me·chik bi·sani gimagipa biapona dingtang dingtang sipai dolrangkoba rimangaha aro drone-rangchiba ia me·chik bi·sako sandibeahachim.
“Ia me·chik bi·sani gimaaniko sandirokanio adita sakkirangko man·engaha aro Meghalaya Police, Assam Police baksaba nangrime kamrangko ka·enga. Ia me·chik bi·sani gimaanina mande saksako rim·aha aro ia a·selni bidingo adita sak manderangko sing·sandiahaoba da·o dipet chu·soksranggipa sakkirangko man·kujaenga,” ine Tynsong aganenba, da·o dipet ia me·chik bi·sani bidingo maming koborrang dongkujaenga ine parakataha.
Indake ong·genchimoba, ia me·chik bi·sako man·pilkujaskal sorkari kamrangko dontongkujawa ine Deputy Chief Minister, ku·rachakaniko on·angaha.