U·IATTIMGIPAONI
SHILLONG: Meghalayao uandake a·gilsak gimiko giproroenggipa kenbegnigipa COVID-19 sabisi sajinma, Isolni ka·sachakanio chel·atanganiko man·na gita Khasi Jaintia Christian Leaders Forum (KJCLF), da·al May 1 tarik Sonibar salo damsan okumu chake bi·rimaniko ong·atenga.
Indake ong·engon, ia corona sabisiko chel·atangchina aro sabisioni naljokataniko man·na gita Isolni ka·sachakaniko man·na gita paltangtang gita, noktangtango ba dingtangmanchagipa biaprango pring 8 bajio damsan an·tangtangko on·kange bi·rimaniko dakchina gita Forum, pilak Krisitanrangko, nokdangrangko aro Giljarangko Forum-ni pal Rev EH Kharkongor Secretary, KJCLF mol·molataha.