U·IATTIMGIPAONI
SHILLONG: Bilsi 18-45 ong·gipa manderangko COVID-19 tika su·tokna pong lak 30 Covid tikako brena gita A·dok sorkarina GST baksa kror 90 tangkarangko nanggen ine Meghalaya Chief Minister Conrad K. Sangma Sukrobaro aganaha.
“Pong lak 30 covid tikarangko ra·banan gita a·dok sorkarina tangka paisani bidingo ian ramramde ong·ja. Indian dakna nangchongmotenggipa kam ong·a. Chinga iako watpakaijawa” ine Chief Minister aganaha.
Sorkari skangon, Covid tikarangko watatchina gita pharmaceutical company-rangna u·iatmanaha, ua aganaha.
“Ia a·dokna korosde ong·manchagen indiba manderangni namgninan ong·gen,” Pa Sangma aganaha.