RESUBELPARA: Meghalaya a·dokni gipin biaprango gitan North Garo Hills a·jaoba COVID-19-ko man·giparang batrorobaengani gimin a·jani ning·o donggipa pilak skul aro college-rangkon re·baenggipa May 21 tarikona chipe donangkugen ine North Garo Hills a·jani Deputy Commissioner u·iataha.
Deputy Commissioner-ni u·iatani gitade, skul aro college-rangko chipe donengmiting somoirango internet gita class-rangko ra·skana man·gen aro MBOSE-ni porikkarangkoba dongimin niamrango pangchake somoi gitan ra·anggen.