TURA: West Garo Hills a·jaoba COVID-19-ko man·giparang batrorobaengahani gimin sabisini giproroaniko champengna gita garirangko odd-even nomboro pangchake re·rurana on·gnok ine West Garo Hills a·jani Deputy Commissioner Ram Singh u·iataha.
Deputy Commissioner-ni u·iatani gitade, Sombar, Budbar aro Sukrobar salrango, 1,3,5,7 aro 9 nombor-rangchi bon·gipa garirang re·rurana man·gen aro Mongolbar, Bristibar salrangode, 0,2,4,6 aro 8 nombor-rangchi bon·gipa garirang re·ruraskana man·gen.
Sonibar aro Robibar salgnide lockdown ong·engani gimin gari gorarang re·rurana man·jawa ineba DC u·iataha.
Kam nangchongmotana agrede skatang nokoni ong·katjachina aro re·rujachina gitaba West Garo Hills a·jani DC u·iataha.