TURA: Ia bilsini Central Board of Secondary Education (CBSE)-ni Class XII aro Class X board porikkao Tura Kendriya Vidyalaya-ba chu·gimik pass ka·gopaha ine Kendriya Vidyalaya-ni principal R Giri Sankaran Thampi u·iataha.
CBSE-ni Class XII Science Stream-o Neelam Kumari 95.8% mark-rangko man·e nambatgipa ong·aha aro Class X porikkao Upasana Gaur 96.2% mark-rangko man·e nambatgipa ong·skaaha.
Class XII aro Class X porikkao Tura Kendriya Vidyalaya-ni chatro chatri gimikan namgipa result-rangko man·aha ineba skulni principal u·iataha.
Indake ong·engon, ia porikkao chu·sokgipa ong·e skulna aro joltangna mikkim rasongko ra·baahani gimin Tura Kendriya Vidyalaya-ni principal, chatro chatrirangko aro skigiparangkoba mittelpilataha.