TURA: Garo Hills-o mande saksa COVID man·e Sombar salo siangtaiaha ine official-rang kobor on·aha.
Koborko on·ani gitade, South Garo Hills a·jani Nongalbibra jolo donggipa Adia Gittim-oni bilsi 51 ong·gipa mande saksa batanggimin antignimangonin fever baksana bilgrie aro rang·sitna man·gija saahachim.
Ia mande indita salrangna COVID-19-ni chinrang baksa saahaoba, ua Robibar salosa Tura Civil Hospital-o sannaniko ra·na sokbaaha aro hospital-ona sokbaon ua sibokaiahachim.
Ia mandeko doctor aro nurse-rang sanna jotton ka·ahaoba man·teljaha aro uandaken ua Sombar pringwalo siangaha ine kobor on·timgiparang parakataha.
COVID-19-ni chinrang donge saanirangko man·enga ong·ode sepangbatgipa hospital ba gipin sanchakram biaprangona re·ange ta·raken sannanirangko ra·china aro doctor nurse-rangna u·iatchina gitaba sorkari u·iatengachim ine nikna man·a.