SSLC-o namgipa gadango pass ka·giparangko mande ra·a

TURA: Mijal salni bako Somonpara St Francis Dee Sales School ni SSLC examo namgipa gadango pass ong.giparangna, Bolori unit AHAM rang felecitationko ba mande ra·aniko dakangaha, jeon Deacon Sawendro Sangma mongsonggipa sokgipa ong·e bakko ra·enba Sastro poraienba bi·aniko dakangaha. Uni jamano school ni Principal Father John ba Sastro poraie bi.sarangna nama kupatianiko on.angaha .
“Program Ko AHAM ni gita ong.ataha aro General Secretary Shi Emash Marak dilangaha. Bouquet presentation ko AHAM-ni President ni jakchi on.angaha aro nama kupatianiko on.angaha uandake mikkangchi top o passed ka.gipana apsan program ko dakangkugen ine aganjolangaha. “Namgipa gadango poraianio skanggipa ong.e chu.sokgipa chatro chatri rang: (1)Miss Noame Marak (2)Mr Clemen Marak (3) Miss Chimesil Marak (4) Miss Nojarik Sangma (5) Mr Salgira Marak.
“Program ko changgipino dontongna Mr Sojendro D Sangma President ni ku.rangchi mitelpilani kattarangko aganenba tom.aniko changgipin ona dontongataha. Ia koborko West Garo Hills, Bolori Regional Unit-ni General Secretary Mr Emash Marak on·ataha.