SHILLONG: Meghalaya a·doko samtangtango donggipa donggipa buring bolgrimrangko ripinge rakkina nangengani gimin janapatenba, da·o dipet a·dok sorkari, kange dongimin buring bolgrimrangko Air Force-na pakwate on·na miksonganirang dongja ine a·dokni Forest & Environment Minister James K Sangma, Mylliem aro Upper Shillong-o songdongenggipa manderangna ku·rachakaniko on·angaha.
Buring bolgrimrangko Air Force-na pakwate on·na sienga ine Mylliem jolo songdongenggipa manderangni kenchakengani gimin Mongolbar salo Mylliem Block-ni National Peoples Party (NPP)-ko dilgiparang, Forest Minister-na memorandum-ko on·angani ja·man Sangma, Mylliem aro Upper Shillong-o songdongenggipa manderangna ku·rachakaniko on·ataha.
“Chinga sorkarini gita samtangtango ong·telaigiparangna simsakgiparang ong·a Forest department-ni ning·o a·kanggimin pilak buring bolgrimrangkon chinga mongsonggipa biaprang ine donenga. Uni gimin iandakgipa buring bolgrimrangara an·chingna namen nangchongmotgiparang ong·a aro kanggimin buring bolgrimrangko chinga Air Force-na pakwate on·na miksonganirang dongja,” ine Forest Minister aganaha.
Samtangtango ong·telaigiparangna simsakengani gimin aro iani bidingo sorkarina u·iataniko ra·baahani gimin Mylliem-ni NPP dilgiparangko mittelpilangengon, samtangtango donggipa buring bolgrimrangko ripinge rakkianiara sorkarini mongsonggipa daitoan ong·a ine Sangma parakataha.