SHILLONG: Meghalaya a·dokni SSA skulrango skigiparang jabrini dormaharangko man·kujaengani gimin batanggimin salrangoba jingjengatanirangko dake, skigiparangni dormaharangko on·china dabitokengoba a·dok sorkari, skigiparangni dormaharangko on·na gita chol ong·kujaenga ine parakatskaaha.
Meghalaya a·dokni Education Minister Lahkmen Rymbui-ni parakatani gitade a·dok sorkari, ma·mongoniko tangka paisarangko man·sokujaengani a·sel SSA skulrango skigiparangna, uamangni man·na nangkuenggipa dormaharangko on·na man·kujaengachim.
“SSA skulrango skigiparangna jabri jabongani dormaharangko on·na gita ma·mong sorkari tangka paisarangko changsano on·atgen ine chinga ka·dongenga. Ma·mong sorkari chingna tangka paisarangko on·atkujaskalde chinga mamingkoba dakna man·kujawa,” ine Rymbui parakataha.
Indake ong·genchimoba, SSA skigiparangko regularise ka·china dabianikode da·o dipet sorkari chu·sokatna man·kujawa ine Education Minister parakataha.
“SSA skulrango skigiparangni dormaharangko on·na gitaba chinga ma·mong sorkariosa pangchakna nangengani gimin chinga uamangni kamrangko regularise ka·nade man·kujawa,” ine Rymbui aganaha.
A·dokni SSA skulrango skigiparang, re·anggipa June jaoni September jaona kingkingan jabrini dormaharangko man·tokkujaengachim ine nikna man·a.
SSA skulrango skigiparangni dabianirangko sorkari knachakjaengani gimin re·baenggipa November 9 tariko jinma tom·bimonge re·jomaniko ong·attaina gita Meghalaya SSA Schools Association (MSSASA)-ba parakataha.
SSA skigiparangni dormahako on·na tangka paisarangko man·sokujaenga: Rymbui
Date:
Share post:
