SHILLONG: Meghalaya a·doko mijal Sukrobar salni bako sak 31 manderang COVID sabisiko man·dapaha aro sak 30 manderang sabisioni nampilaha, unomitingo Ri-Bhoi a·jao saksa COVID sabisini a·sel siangtaiaha.
Unomitingo Meghalaya a·dokni district-rangni gisepo South Garo Hills district-an pilakna skang COVID sabisioni jakgitel ong·chengaha.
Meghalaya a·doko COVID sabisiko man·giparang mijalona gimikchi sak 83,794 ong·aha, uamangoni sak 81,946 manderang sabisioni nampilaha aro sak 1,457 manderang COVID sabisio uamangni janggirangko gimaataha. Indake COVID man·giparang a·doko da·oba sak 391 dongengkua.
Meghalayao COVID sabisi man·e dongenggipa sak 391-oni, East Garo Hills-o sak 6, East Jaintia Hills-o sak 5, East Khasi Hills-o sak 269, North Garo Hills-o sak 3, Ri-Bhoio sak 17, South West Garo Hills-o sak 2, South West Khasi Hills-o sak 6, West Garo Hills-o sak 24, West Jaintia Hills-o sak 16 aro West Khasi Hills-o sak 43 dongengkua.
