AMPATI: Garoland State Movement Committee (GSMC) South West Garo Hills,Ampati unit, Sonibaro Rongtal-an·talani bidingo Awareness Programko ong·atangaha.
Ia Programko GSMC Ampati Zone-ni Chairman Trillingbirth Sangma dakdilangaha. Rongtal-an·talaniko ong·atani miksonganira, Ampati jol gimikkon Rongtal an·talataniko dakna gita manderangna ma·siate on·na gita ong·a aro apsan somoion rongtal-an·talani bidingo manderangna skie on·jolaha. Gipin A·songko chanchiatode Garo Hills-ode Rongtal-an·talani komienga uni gimin iandakgipa Awareness Program cun-Cleaning Drive-ko nangchongmota. Skangode A·chik a·songrango ian dakgipa programrangko ong·atnan nangjachim, da·o skia poraia man·batoba rongtalani komiangaha ine GSMC parakaha.
Ia rongtal an·talani nangchongmotgipa ong·a, maina rongtalani dongjagenchimode cha·ani ringanioba mitchigipa ong·a, aro sabisiko ra·baa, balwarangko nosto ong·atan baksa mandeni janggi tanganiko nosto ka·anionaba soka ine programo bakko ra·giparangoni saksa Bandi Chambugong aganaha.
GSMC H.QTura-ni Co-Chairman Balkarin Ch Marak aro GSMC-ni ku·wattimgipa Ryan Ch Marak-ba programo bakko ra·paaha.
Unomitingo, GSMC, mikkang bilsio Garo Hills gimikchin indakgipa cleaning drive programrangko ong·atanggen ine miksongenga ineba koborna parakataha.
Indake ong·engon, uamangni ong·atenggipa cleaning drive program-rango pilak Nokma, NGO aro songni manderangko GSMC, ku·monganiko on·aha.
