TURA: Sukrobar salo, a·dokni Chief Minister Conrad K Sangma-ni Dalu-ona re·angani somoio NPP Dalu Block-ni dilgiparang, uko grongenba, Dalu-ko civil sub-division songchina aro Dalu-o 100 beded hospital-ko rikchina didie, memorandum-ko on·ataha ine NPP Dalu Block-ni general secretary aro publicity secretary Katchumor N Sangma parakataha.
Memorandum-ko Chief Minister-na on·atani somoio Dalu-ni MLA Brening A Sangma-ba dongpaahachim.
Dalu sub-division-ni ning·o Dalu C&RD Block, Gambegre C&RD Block aro Chokpot C&RD Block-rangni ning·o ga·akgipa biaprangko man·chape songchina gita Dalu jolo songdongenggiparang dabitokengachim ine nikna man·a.
