TURA: Assam Goalpara a·jao donggipa Damra-oni North Garo Hills a·jani Bajengdoba-ona dakanggipa ramani obostarang namsrangjaengahani a·sel jolni manderang aro ia ramako re·ruraenggipa manderang neng·nikanirangko chagrongna nangtokengahani gimin ia ramako ta·raken matchotate on·china gita Mendipathar-o donggipa All Meghalaya Assam Border Vigilance Committee (AMABVC), North Garo Hills a·jani Deputy Commissioner-na sedoataha.
Ia km 37 ong·gipa ramara, Assam Goalpara a·jao donggipa Damra-oni a·bachenge Damas, Mendipathar, Resubelpara gita Bajengdoba-ona dakbagipa rama ong·achim aro ian North Garo Hills a·jani manderangna mongsonggipa ramaba ong·engachim.
Indake ong·genchimoba, ia rama jolgimikon da·o a·kolrara dakengahani a·sel manderang neng·nikanirangko chagrongna nangtokengaha aro ia ramako tarigipa company-ba ia ramako ta·rake tarie on·ningjaenga ine AMABVC parakatenba, ia ramako ta·raken tarie on·china gita North Garo Hills a·jani DC-na sedoataha.
Ia ramako matchotate on·ningjaengani gimin adita salrangna skangsan Mendipathar-ni MLA Marthon Sangma-ba matnangate, ia ramako ta·raken matchotate on·china a·dok sorkarina sedoatahachim.
Kobor on·ani gitade, Damra-oni Mendipathar-ona dakanggipa ia ramani bakan namjabatsranggipa bak ong·enga aro ia ramako gari gorarango re·ruragipa manderang bilongen neng·nikanirangko chagrongna nangtokenga.
Damra-oni Bajengdoba-ona dakanggipa ramako ta·rake tarichina didia
Date:
Share post:
