Tuesday, April 15, 2025

Assam baksa soi ka·grikanichi a·dokni manderangna neng·nikaniko on·jachina AITC agana

Date:

Share post:

SHILLONG: Simarango so·sojengjeng ong·anirangko namatna gita Assam sorkari baksa songgigrikanichi Meghalaya a·dokni manderangna sinjetaniko on·jachina All India Trinamool Congress (AITC), Meghalaya sorkariko aganaha.

“Iako chingaba ra·chakna man·jawa aro manderangba ra·chakjaenga. A·dokni manderangan iako ra·chakjaenga ong·ode na·simang iako dakdrana man·jawa. Na·simang sason ka·giparang ong·na man·jawa,” ine AITC-ni dilgipa Dr Mukul Sangma aganaha.

Survey of India-ni sale on·gipa simako manderang ra·chakna man·jaengani gimin ia jolrango meligrikgijanirang dongengkua ineba ua aganaha.

Assam aro Meghalaya sorkarirangni soi ka·grikgipa MoU-ko den·galpilchina gita sima jolrango songdongenggipa manderang aro dingtang dingtang dolrangba dabitokengachim ine nikna man·a.

“Meghalaya a·dok ning·o ga·akgipa biaprangko Assam-o man·angna gita uamang songni manderangna a·a pattarangko on·enga aro dingtang dingtang namroro silroroani kamrangko ra·gate on·enga. Iandakesa uamang ia songrangko man·angna jotton ka·engani gimin iandakgipa kamrangko an·ching jegalna nangchongmota,” ine Sangma aganaha.

2011 bilsio ia meligrikna man·jaenggipa biaprangni bidingo Meghalaya sorkari, a·kanganirangko dake lekkarangko on·atani ja·man Assam sorkari, changsaba iani bidingo agangrikna gita re·mikkangbajahachim indiba da·o ong·enggipa sorkari, so·sojengjeng ong·ani grigipa biaprangkoba Assam-na pakwatatskaengaha ineba AITC-ni dilgipa matnangataha.

“Iani bidingo uamang Dr Mukul Sangma baksa agangrikna nanggenchimode ia a·arangko Assam-na pakwate on·jawa ine uamang namen ma·siachim. Ia a·arangko anga Assam-na pakwate on·jawa aro iako uamang namen ma·siani giminsa Conrad Sangma-ni somoion ia kamko matchote ra·rikna jotton ka·aha aro changni chang agangrike ia biaprangko Assam-o napatna man·aha,” ine Sangma aganaha.

So·sojengjeng ong·enggipa biaprangko man·pilna aro Meghalaya a·dokon donchina gitasa 2011 bilsio Assam sorkarina lekkarangko on·ahachim ine talataniko on·angengon, Assam aro Meghalaya sorkarirang ‘on·sregrikna’ ine agana indiba sani a·arangko uamang on·atenga ine Opposition dolni dilgipa sing·doangaha.

“Uamang da·o so·sojengjeng ong·enggipa biaprangna agreba gipinrangkoba namatna kam ka·aha ine chief minister aganenga indide ua obostani giminan name ma·sijaenga. Ia obostani ning·o mai dakgipa neng·nikanirang dongachim, ua iakon name ma·sijaenga. Iani giminsa angni gisiko kenchakani ong·katahachim aro Assembly-oba angani iani giminan baditaba chang an·tangni kenchakaniko parakahachim indiba uamang angna ka·dingstekpilaha,” ine Sangma aganaha.

Related articles

India’s WPI inflation declines to 2.05 pc in March

New Delhi, April 15: India’s annual rate of inflation based on the Wholesale Price Index (WPI) slowed to...

‘I missed gold, but I’ll train 10 winners’: Malleswari’s mission renewed after PM Modi meet

New Delhi, April 15: India's first female Olympic medallist, Karnam Malleswari, expressed immense joy after her first one-on-one...

Passenger vehicle sales in India hit record high of 43 lakh units in FY25: Report

New Delhi, April 15: India’s auto industry achieved a new milestone in the financial year ending March 2025,...

No winners in US-China trade conflict as Asia-Pacific braces for impact: Report

New Delhi, April 15: There are no winners in a trade conflict and the tussle between China and...