Tura: All Meghalaya Minority’s Students’ Union, West Garo Hills-ni DSEO-na chitti seate, school-o headmaster-ko ra·anio tik ong·gijaniko am·sandina mol·molataha. Gitcham headmaster, jean BA-Bed degree dongachim uko ra·gale gital Bio technology degree donggipako ra·aha, uni gimin AAMSU, ia mamlako am·sandina dabiaha.
SMC, school headmaster-ko ra·anio NCTC-ni niamko pe·aha ine AMMSU aganaha.
“SMC-ni memborrang kamko ka·na kragiparang ong·ja, uamang B-Ed (Eftasma Elahi) donggijagipa graduate-ko appoint ka·e, gitcham headmaster Abu Hashem Sheikh-ni palo donskaha. Ian NCTE-ni niamko pe·a ong·a, ine AMMSU-ni president Nur Islam aganaha.
Retirement-ni ja·man Arts teacher-ni biapba bangbang ong·e dongenga indiba SMC, Science teacher-ni post-nasa advertise ka·skaha.
“School-o sakgnimancha Science teacher donga, una agre Bio-Tech student Elahi-ba donga, SMC-ni appoint ka·anio maibade tik ong·gijani donga.”
Minggipin ia bilsini February 3 tarikon bangbang ong·e donggipa post-na interview-ko ong·atani ong·achim indiba mamingkon u·iatgija somoiko ra·doataha.
Indake AMMSU, ia mamlao DSEO-ni nirokataniko nangnikaniko aganaha. Aro SMC-ni kosako niam gita ja·ku de·china dabiaha. Chittiko mni Sukrobar salo on·aha.
Get real time updates directly on your device, subscribe now.
Comments are closed.