TURA: Me·chik saksako rim·gittanganina East Garo Hills a·jani police-rang, re·anggipa bilsini Rajabala Assembly by-election-o BJP-ni candidate ong·e susagipa mande saksako rim·aha.
2021 bilsini Rajabala by-election-o Kingston B Marak, BJP-ni candidate ong·e susaahachim aro ia mandeko East Garo Hills a·jani police-rang, me·chik saksako rim·gittanganina July 13 tariko rim·aha.
Koborko on·ani gitade, ia mandeni rim·gittanggipa me·chik, re·anggipa July 11 tarikon West Garo Hills a·jani Rajabala jolo donggipa an·tangni nokoni gimaahachim aro uni gimaangani ja·man, uni nokdangni manderang, Rajabala police-rangna missing report-ko on·eahachim.
Missing report-ko on·a bakan West Garo Hills a·jani police-rang, ia me·chikko sandina a·bachengataha aro uandaken iani bidingo East Garo Hills a·jani police-rangnaba u·iataha.
East Garo Hills a·jani police-rangna koborko on·atani ja·man, police-rang ia me·chikko jokatna man·aha aro ia me·chikko rim·gittanggipa Kingston B Marak-koba rim·na man·aha ine West Garo Hills a·jani police official-rang parakataha.
Ia me·chikko rim·gittangna jakkalgipa gari aro mobile phone-rangkoba police-rang, ia mandeoniko man·aha ine u·iataha.