TURA: Matchotgija dongenggipa case-rangko nipilna gita re·anggipa Mongolbar salo, North Garo Hills Police-ni half yearly Crime Conference-ko North Garo Hills a·jani Superintendent of Police (SP) Abraham T Sangma-ni office-o ong·atangaha aro ia tom·anio North Garo Hills a·jani dingtang dingtang police officer-rang bakko ra·angaha.
Ia tom·anio matchotgija dongenggipa case-rangko nipilangengon, manderangna kakket bichalko on·na man·na gita ia case-rangko matchotatchina North Garo Hills a·jani SP, a·jani police officer-rangko didiangaha.
Ia tom·anio dingtangmancha nambatgipa investigating officer-rangnaba SP-ni jakchi mande ra·pilskaaniko dakangaha.