TURA: Sukrobar salpaksachibara 2:10 bajimango, West Garo Hills a·jani Phulbari police station-ni ning·o donggipa Rajpur song samba jolo bus gari bolsa bikpile a·sel ong·aha aro ia a·sel ong·anio komibeoba saksni manderang saknaanirangko man·tokaha.
Koborko on·ani gitade, ia bus gari, Tura-oni Tikrikilla-chipakna re·angengmiting somoio a·sel ong·aha.
A·sel ong·ani ja·mano, bus garini driver aro conductor, kenjagokenba ua biaponi kataha ine kobor on·timgiparang parakataha.
Kobor on·timgiparangni u·iatani gitade, bus gari a·sel ong·anio komibeoba sakgni manderang saknaanirangko man·aha indiba darangba bilonge saknaanirangkode man·jaha. Saknaa man·gipa saksni manderangoni sakbriko sanna gita New Bhaitbari PHC-ona ra·angaha aro sakgittamkode Phulbari CHC-ona ra·angskaaha ineba kobor on·aha.
“A·sel ong·anio haida gipinrangba saknaanirangko man·enggen indiba a·sel ong·ani ja·mano uamangko private garirangko salangtokaha,” ine jolo songdongenggipa manderang parakataha.
