NEW DELHI: Meghalaya a·dokni Governor Satya Pal Malik-na dongimin somoi da·al Sombar salo bon·engahani gimin uni biapo Arunachal Pradesh a·dokni Governor BD Mishra, jako ra·angskagen.
India President-ni office-oni u·iatani gitade, Meghalaya a·dokna gital Governor-ko sandikujaskal, Arunachal Pradesh a·dokni Governor BD Mishra, Meghalaya a·dokniba Governor ong·e kamko ka·anggen.
Bilsi 76 ong·gipa Satya Pal Malik, 2020 bilsini August jao Meghalaya a·dokni Governor ong·e kamko ka·chengahachim aro una skangba ua Bihar, Jammu & Kashmir aro Goa a·dokrangni Governor ong·e kamko ka·ahachim.
“Meghalaya a·dokni Governor Satya Pal Malik-ni dongimin somoi 2022 bilsini October 3 tariko matchotgnok. Uni gimin gital u·iataniko on·taikujaskal, Arunachal Pradesh a·dokni Governor Brig. (Dr) BD Mishra-ko uni jako ra·enggipa kam baksana Meghalaya a·dokni Governor dakeba India a·songni President, songe on·na kusi ong·a,” ine Sonibar salo, Rashtrapati Bhavan parakataha.