SHILLONG: BJP-ni gitcham dilgipa John Anthony Lyngdoh-ni Congress-ona re·baanichi North Shillong Constituency-o Congress-ni bilko de·chaoe gita ong·aha, jeon Congress party-o candidate-an dongjaengachim. JA Lyngdoh mijalo niam gita Congress-o bakrimeaha aro re·baenggipa 2023 Assembly election-o Congress tikito susaanggen.
JA Lyngdoh-ni susaanio bakrimeanichi, North Shillong constituency-o candidate-rangni dakgrikanio gisiko nangbatatgnok, jeon adita candidate-rang suatokenga.
Da·o ong·enggipa MLA Adelbert Nongrum-na agreba, Health Services-ni Director Dr. Aman War (UDP) aro gitcham PWD Executive Engineer Ransom Sutnga (NPP), retired police officer M Kharkrang aro social activist Michael Kharsyntiew mangba North Shillong constituency-o MLA-na seokako man·na susaanio jak on·tokenga.
Congress party, JA Lyngdoh-ko rimchaksona gita mingsa felicitation programko ong·atangaha, jeon Lyngdoh, una chakgiparang baksa official gita party-o napaniko dakangaha.
Tom·anio aganprakengon, re·baenggipa election-o tangkani bilchi darang candidate-koba amna on·jachina gita Lyngdoh, manderangko didiangaha aroba constituency-o party-ko bilakatna kam ka·china gitba manderangko didiangaha aro an·tangba party-ko bilakatna kam ka·na ku·rachakaha.
Cha·boke cha·anirang bilongani gimin, bosturangni damrangko rakdugaani gimin a·dokni manderang pilakan MDA sorkariko nidiktokaha, aro da·o skul skigiparangni obostarangni giminba sorkariko namniktokjaha unbaksana SSA scheme-ko sorkari bon·atna chanchiani gimin SSA teacher-rangde dal·bea neng·nikanirangko chagrongnaba donga ineba kenchakanirangko ua parakaha.
Tom·anio, Deborah Marak gita dakgipa Congress dilgiparang aro Youth wing-ba dongpaaha.
